by Kasait, 17-01-2024: Institutu São João de Brito (ISJB) hala’o serimónia Graduasaun ba estudante finalista tinan akadémiku 2024 ho totál hamutuk 125 ba Programa Lisensiatura Iha Departamentu ha’at mak hanesan Inglês, Portugés, Relijiaun no Matemátika.
Oradór prinsipál ba serimónia ne’e mak S.E. Kay Rala Xanana Gusmão, ne’ebé husu ba Graduadu sira atu uza matenek no abilidade ne’ebé sira iha atu sai hanesan Edukadór no Inspiradór hodi bele fó kontribuisaun ba Nasaun no sai ezemplar ba prosesu dezenvolvimentu Nasaun nian.
Hafoin serimónia Graduasaun remata, kontinua kedas ba Iha sesaun asina Plaka Inagurasaun Edifisiu Sala ba Dosente sira ne’ebé hari’i ho apoiu finanseiru husi IX Governu Konstiusionál, liu husi orsamentu Transferénsia Públika husi Ministériu Ensinu Superiór, Siénsia no Kultura. Plaka ne’e, asina husi S. Exa. Primeiru-Ministru, Sr. Kay Rala Xanana Gusmão, ho Sr. Ministru Ensinu Superiór, Siénsia no Kultura, Dr. José Honório, no Superior Kompañia de Jesus-Timor-Leste, Rev. Pe. Erik Jonh J. Gerilla, SJ.
Serimónia ida ne’e, hetan partisipasaun husi S.Exa. Primeiru-Ministru, Sr. Kaya Rala Xanana Gusmão, S.E. Ministru Ensinu Superiór, Siénsia no Kultura, Sr. José Honório, Superior Kompañia de Jesus-Timor-Leste, Rev. Pe. Erik Jonh J. Gerilla, SJ, Komandante PNTL Munísipiu Liquiçá, Sr. Reitór ISJB, Pe. Isaías Abilio Caldas, dirijente no dosente sira husi ISJB, inan ho aman graduadu sira, no reprezentante seluk.
Obrigadu.
#media_mescc
English 
Portuguese