February 20, 2025

KOMUNIKADU IMPRENSA KONA-BA REZULTADU HUSI PROSESU ASESSU BA ENSINO SUPERIOR PUBLIKU TINAN AKADEMIKU 2025

Prosesu Asesu ba Ensinu Superiór Públiku ba estudante foun tinan akadémiku 2025, ne’ebé implementa ona husi Ministériu Ensinu Superiór, Siénsia no Kultura (MESSK), Universidade Nasionál Timor Lorosa’e (UNTL) no Institutu Politékniku Betano (IPB).

Prosesu ida ne’e hahú ho aprovasaun Diploma Ministerial N.o 54/2024, de 25 de julho, liu husi Diploma ne’e fó kompeténsia ba Comissão de Acesso ao Ensino Superior (CAES) hodi responsabiliza ba atividade hotu-hotu relativa ba Asesu Ensinu Superiór públiku. Komisaun ne’e kompostu husi elementu MESSK, UNTL no IPB. Komisaun ne’e, koordena ho Ministériu relevante sira hanesan MEJD, MSSI, MAKLN no MAE, no lidera prosesu diseminasaun informasaun iha munisípiu hotu-hotu kona-ba rejime asesu, rekizitu sira ba admisaun, faze no kalendáriu ba implementasaun no númeru vaga ne’ebé disponivel ba estudante sira hodi bele asesu ba Ensinu Superiór públiku.

Ho objetivu atu promove prinsípiu igualdade kona-ba oportunidade no respeitu ba diferença, nune’e estabelese rejime rua hodi asesu ba Ensinu Superiór Públiku.

  • Rejime Jerál: fó oportunidade ba finalista husi ensinu sekundáriu tinan 2024:
  • Rejime Espesiál: fó oportunidade ba kandidatu sira ne’ebé maka sei iha situasaun exsesionál.

Hafoin realiza prosesu asesu ba ensinu superiór públiku ba tinan 2025, MESKK ohin anúnsia, ho forma jerál, rezultadu final ba Rejime rua:

Rejime Jerál kompostu husi:

Finalista husi ensinu sekundáriu jerál (ESJ) no ensinu sekundáriu tékniku-vokasionál (ESTV). Ho rezultadu finál mak hanesan tuir mai:

Númeru Totál Estudante Finalista sira husi Ensinu Sekundariu Jeral (ESG)- rihun ruan ulu resin rua atus sia ruanulu resin rua (22.922) no Ensinu Sekundariu Tekniku Vokasional (ESTV)- rihun tolu atus nen ualu-nulu resin rua (3.682)

Númeru Totál Estudante Finalista sira husi ESJ ne’ebé prienxe “Boletim Eskolla Departamentu hamutuk” – Rihun sanulu nen nulu resin hitu (10.067) no ESTV ne’ebé prienxe “Boletim Eskolla Departamentu hamutuk” – Rihun rua atus ida ualu (2.108).

Kandidatu husi ESJ ho total hamutuk rihun sanulu resin rua atus ualu limanulu resin lima (12.855) ma la prense buletim fixa eskolha departamento. No kandidatu rihun ida atus lima hitunulu resin ha’at (1.574) husi ESTV ma la prense buletim fixa departamento.

Númeru Estudante finalista sira husi ESJ no ESTV ne’ebé admitidu ba Ensinu Superiór públiku (UNTL no IPB), liuhusi Rejime Jerál­ inklui ona kandidatu ne’ebé ho klasifikasaun diak liu kada munisipiu ho total:

Ensinu Sekundariu Jerál

  • Kandidatu ho klasifikasaun diak liu hamutuk nen nulu resin sia (69)
  • Kandidatu sira ne’e passa liu husi rejime jeral rihun tolu atus sia nulu resin sia (3.999)

UNTL (3.722), no IPB (277)

Esnsinu Sekundariu Tékniku Vokasional

  • Kandidatu ho klasifikasaun diak liu hamutuk ruan ulu resin sia (29) nivel nasional.
  • Kandidatu sira ne’e pasa liu husi rejime jeral hamutuk atus ualu Ualu nulu resin ualu (888)

UNTL (782) no IPB (106)

Númeru Estudante finalista sira husi ESJ no ESTV ne’ebé la admitidu ba Ensinu Superior públiku, liuhusi Rejime Jerál-total hamutuk rihun atus rua ualunulu resin ualu (1.220)

Rejime Espesiál kompostu husi:

Subrejime Oportunidade – fó biban ba sidadaun timoroan sira ne’ebé maka remata ona ensinu sekundáriu iha tinan haat (4) ba kotuk. Ho rezultadu finál mak hanesan tuir mai:

  • N.º total husi Kandidatu sira – (817),
  • N.º Kandidatu sira ne’ebé tuir Ezame – (719),
  • N.º Kandidatu sira ne’ebé la tuir Ezame – (98),
  • N.º Kandidatu sira ne’ebé admitidu ba UNTL no IPB – (486),
  • N.º Kandidatu sira husi Kategoria Oportunidade ne’ebé laiha kolokasaun (la Admitidu) – (251),

Kategoria Veteranus nia oan no Mártir sira nia oan – fó biban ba Veteranu nia oan ka martir nia oan. Ho rezultadu finál mak hanesan tuir mai:

  • N.º total husi Kandidatu sira – (154),
  • N.º Kandidatu sira ne’ebé tuir Ezame – (145),
  • N.º Kandidatu sira ne’ebé la tuir Ezame – (9),
  • N.º Kandidatu sira ne’ebé Admitidu ba UNTL no IPB – (86), ba UNTL
  • N.º Kandidatu sira ne’ebé la iha kolokasaun (la admitidu) ba Ensinu Superiór Públiku – (59),

Kategoria Hakbi’it – fó biban ba família kbi’it laek sira. Ho rezultadu finál mak hanesan tuir mai:

  • N.º total husi Kandidatu sira – (389),
  • N.º Kandidatu sira ne’ebé tuir Ezame – (363),
  • N.º Kandidatu sira ne’ebé la tuir Ezame – (26),
  • N.º Kandidatu sira ne’ebé admitidu ba UNTL no IPB – (152),
  • N.º Kandidatu sira ne’ebé la admitidu – (211),

Kategoria Maior de 23 Anos – fó biban ba ema boot liu 23 ba leten, ho rezultadu final mak hanesan tuir mai

  • N.º total husi Kandidatu sira – (14),
  • N.º Kandidatu sira ne’ebé tuir Ezame – (11),
  • N.º Kandidatu sira ne’ebé la tuir Ezame – (3),
  • N.º Kandidatu sira ne’ebé admitidu ba UNTL no IPB – (11),

Kategoria Escola internasional iha Timor Leste – fó biban ba kandidatu sira ne’ebé remata ona escola internasional iha Timor-Leste. Ho rezultadu final mak hanesan tuir mai ne’e

  • N.º total husi Kandidatu sira – (3),
  • N.º Kandidatu sira ne’ebé admitidu ba UNTL no IPB – (3),

Kategoria F-FDTL no PNTL – fó biban ba kandidatu sira husi Instituisaun F-FDTL no PNTL hodi kontinua  estudu iha nivel Ensinu Superior, ho rezultadu final mak hanesan tuir mai

  • N.º Total husi Kandidatu – (99),
  • N.º Kandidatu sira Admitidu ba UNTL no IPB: (56),

Kategoria Dêfisiensia – fó biban ba kandidatu sira ho kondisaun especial hodi kontinua estudu iha nivel Ensinu Superior.

  • N.º Total husi Kandidatu – (30),
  • N.º Kandidatu sira Admitidu ba UNTL no IPB: (25),

NÚMERU TOTÁL KANDIDATU SIRA NE’EBÉ ADMITIDU ba UNTL no IPB

InstituisaunFetoManeKandidatu
1UNTL33131.8985.211
2IPB276262538
Total Jeral5.749


Ikus liu, Ministériu Ensinu Superiór, Siénsia no Kultura informa katak rezultadu finál, hanesan lista ho naran kandidatu sira ne’ebé “Admitidu”, sei divulga liuhusi Website hanesan:

  • Website Ministériu Ensinu Superior, Siénsia no Kultura (http://mescc.gov.tl).
  • Website Universidade Nacional Timor Lorosa’e (www.untl.edu.tl).
  • Website Instituto Politécnico de Betano (www.ipb.edu.tl)
  • Pájina Facebook MESCC, UNTL no IPB.

Dokumentu Lista Ofisial ba Kandidatu sira ne’ebe Admitidu, hanehan iha Link kraik.

https://mescc.gov.tl/wp-content/uploads/2025/02/MESCC_Final-01-02-2025.pdf

0Shares
en_USEnglish