June 19, 2024
Bootstrap Example

Universidade Nacional Timor Lorosa’e

“Sapientia et Veritas”


Natureza


  1. UNTL nu’udar pesoa-koletiva ho direitu públiku no goza ninia autonomia estatutária, sientífika, pedagojia, administrativa, fianseira, dixiplinár no patrimonial, lahó haree ba Estadu nia asaun atu halo fiskalizasaun, tuir termu sira husi estatutu no lei ida-ne’e.

  2. UNTL mós iha podér regulamentár hodi dezenvolve lei sira ne’ebé hatuur iha estatutu ida-ne’e no aprova sira nia regulamentu internu.

  3. Atu konkretiza ninia objetivu sira, UNTL bele selebra kontratu konvéniu, protokolu no akordu hirak seluk ho instituisaun públika sira ka privada, nasionál, estranjeiru ka internasionál sira, bazeia ba ninia kapasidade, liuliu ba enkargu no kompromisu finanseiru.


Misaun & Vizaun


Vizaun

Bainhira nu’udar Instituisaun Ensinu Superiór Estadu nian, UNTL kompromete atu:

  1. Forma no fó graduasaun ba estudante sira ne’ebé ho nível intelektuál elevadu, no preparadu ona atu halo peskiza no estudu sientífiku;

  2. Hanorin ba formandu sira valór umanu ne’ebé kaer-metin ba konsiénsia nasionál katak sira servisu ba moris-di’ak no prosperidade sidadaun hotu nian;

  3. Promove komprensaun, armonia no solidariedade entre kultura no povu sira.

Misaun

  1. UNTL nu’udar sentru kriasaun, difuzaun no promosaun ba kultura, siénsia no teknolojia, be artikula estudu ho investigasaun, hodi potensia dezenvolvimentu umanu, hanesan faktór estratéjiku ba dezenvolvimentu sustentável país nian.

  2. UNTL mós iha objetivu hirak seluk tan, hanesan tuirmai:

    • Promove ensinu ho kualidade ne’ebé aas tebes, liuhosi programa akadémiku sira ne’ebé kompetitivu ba nível nasionál no internasionál nian;

    • Fomenta atu prezerva, dezenvolve no artikula identidade no valór timoroan sira nian, liu hosi promove ninia istória, kultura no lian sira;

    • Fomenta atividade investigasaun sira ne’ebé fó kontribuisaun atu kria dezenvolvimentu país nian;

    • Promove atu interinstitusionál sira partisipasaun maka’as liután, hodi integra-an iha kultura sientífika oioin no ho objetivu atu kria kontribuisaun ida inovadora sira ba ensinu no investigasaun;

    • Presta servisu ho kualidade, diversifikadu ba komunidade, atu bele kontribui di’akliu ba dezenvolvimentu sosiál no ba kualifiaksaun rekurusu umanu sira;

    • Kontribui atu dezenvolve kooperasaun internasionál no halo aprosimasaun entre povu sira, liuliu, iha domíniu edukasaun no iha domíniu koñesimentu, siénsia no teknolojia.


Organograma


Informasaun kompleto konaba Universidade Nacional Timor Lorosa’e, visita link: “Website UNTL”

0Shares