by 
Díli, 21/06/2024: Ekipa tekniku sira husi Ministériu Ensinu Supérior, Siénsia no Kultura, ne’ebé mak lideradu husi Koordenador Unidade Parseria no Kooperasaun, Sr. Paulo Mariano, hamutuk ho Inspetor Jeral ba Inspesaun no Auditoria, Sr. Domingos Barros ho ekipa husi MESSK rasik, realiza sorumutu tekniku iha Salaun MESSK, Colmera Díli, hamutuk ho Instituisaun relevante sira seluk hanesan, husi INDMO, FDCH, ANAAA no IPB, hodi diskute kona-ba elaborasaun no difinisaun kona-ba proposta áreas especialidades teknikas sira ne’ebé mak, sei propoin no rekomenda ba iha ICCCM hodi, oferese mai Timor-Leste atu implementa iha akordu ne’ebé mak estabelese ona entre Instituisaun 2 ne’e.
Sorumutu ida ne’e, hanesan kontinuasaun husi Sorumutu tekniku ne’ebé mak antes ne’e, realiza ona entre, instituisaun relevantes sira ne’e hamutuk ho Ekipa ICCCM, iha loron 18 Juñu 2024, ne’ebé mak realiza iha sala reuniaun MESSK, hodi diskute kona-ba proposta ne’ebé mak mensiona atu submete ba ICCCM.
Portantu, reprezentantes sira ne’ebé mak hola parte iha sesaun ida ne’e, husi INDMO, husi Presidente-IPB, Dr. Acacio Cardoso Amaral, Diretor Ezekutivu ANAAA, Dr. Nilton Paiva, FDCH, no mos kargus dirijentes no teknikus sira husi MESSK rasik.
