by S. Exa. Ministru Ensinu Superior, Siénsia no Kultura, (MESSK), Longuinhos dos Santos no ekipa, akompaña mos husi ekipa médiku sira, hala’o kampaña vasinasaun kontra Covid-19, iha Suku Goulolo, Postu Administrativu Cailaco, Munisípiu Bobonaro.Sr. Ministru deklara katak “Governu nia misaun prinsipál no preokupasaun mak populasaun nia moris diak. Tan razaun ida-ne’e, Governu iha obrigasaun atu proteje populasaun hodi kontra ameasa sira, liu-liu dezastre naturál no moras sira.” Sr. Ministru husu ba komunidade sira iha suku Goulolo atu simu vasina, tamba vasina mak sai hanesan biru hodi bele salva ita husi Covid-19 no aumenta imunidade nune’e bele kontra moras COVID-19 ne’ebé agora dadaun ne’e lao hela iha ita hotu nia let.Komunidade suku Goulolo ladun iha vontade atu vasina, tamba tauk, maibe ho prezensa Sr. Ministru bele konvense ona komunidade sira hodi simu vasina. Sr. Ministru mós reforsa importánsia atu halo sorumutuk ho komunidade sira atu kontinua halolon imformasaun liuliu ba ema sira ne’ebé mak seidauk simu vasina. Sr. ministru mos fó apelu ba komunidade atu “la bele konsumu lia falsu (hoax)”.Partisipa mos iha atividade ohin loron Sr. Administrador Postu, adjunto Komandante PNTL Postu Cailaco, Diretor Nasionál Saúde Família no ekipa, Xefi suku, Xefi Aldeia, ekipa Cruz Vremelha, NGO Maria Stopes, Pesoál Saúde no komunidade husi Suku Goulolo rasik. Hafoin serimónia Ministru lansa kedan vasina iha fatin refere.
