June 14, 2024

MESSK Enkoraja Komunidade Suku Genulai Atu Kompleta Vasina Doze Daruak

S. Exa. Ministru Ensinu Superior, Siénsia no Kultura, (MESSK), Longuinhos dos Santos no ekipa, akompaña mos husi ekipa mediku sira, hala’o kampaña vasinasaun kontra Covid-19, iha Suku Genulai, Postu Administrativu Cailaco, Munisípiu Bobonaro.

Suku Genulai iha Aldeia (3) mak hanesan Biaboro, Tirimoso no Melemaga ho totál populasaun hamutuk 823.

Iha intervensaun Sr. Ministru hato parabéns ba komunidade sira iha suku Genulai, tanba maioria kompleta tiha ona vasina doze primeiru no fó apelu ba komunidade atu kompleta vasina doze daruak, tamba vasina mak sai hanesan biru hodi bele salva ita husi Covid-19 no aumenta imunidade nune’e bele kontra moras COVID-19 ne’ebé agora dadaun ne’e lao hela iha ita hotu nia let.

Sr. Ministru imforma katak, “Governu nia misaun prinsipál no preokupasaun mak populasaun nia moris diak.

Tan razaun ida-ne’e, Governu iha obrigasaun atu proteje populasaun hodi kontra ameasa sira, liu-liu dezastre naturál no moras sira.”

Nune’e Sr. Ministru mos “agradese ba inan, aman no jovem sira ne’ebé mak marka prezensa iha serimónia ne’e, hodi kontinua halolon imformasaun ba ita-nia maluk sira ne’ebé mak seidauk simu vasina no la bele konsumu lia falsu (hoax)”, dehan Sr. Ministru.

Kampaña vasinasaun ba loron dahat iha suku Genulai ohin hetan mos aumenta númeru vasinasaun ba primeiru Doze no segundu Doze.

Partisipa mos iha atividade ohin loron Sr. Administrador Postu, Komandante PNTL Postu Cailaco, Diretor Nasionál Saúde Família no ekipa, Xefi suku, Xefi Aldeia, ekipa Cruz Vremelha, NGO Maria Stopes, Paseoál Saúde no komunidade husi Suku Genulai rasik. Hafoin serimónia Ministru lansa kedan vasina iha fatin refere, hodi kontinua fali ba suku seluk.

0Shares