Dili, 17/02/2025: Sua. Exa. Ministru Ensinu Superior, Siénsia no Kultura, Dr. José Honório, halo Abertura Semináriu Dahuluk ba Konsultasaun Nasionál kona-ba Siénsia Aberta, ne’ebé realiza husi Institutu Nasionál Siénsias no Teknolojía (INCT) hamutuk ho UNESCO Jakarta no Komisaun Nasionál Timor-Leste ba UNESCO (KNTLU), iha Salaun Pusat Budaya Indonésia (PBI), Balide-Dili.
Iha ninia intervensaun, S. Exa. Ministru hatete katak semináriu ne’e iha kna’ar importante atu harii espasu ba diálogu no refleksaun kona-ba implementasaun iha Timor-Leste husi rekomendasaun sira ne’ebé UNESCO aprova tiha ona iha tinan 2021 ida atu garante katak koñesimentu sientífiku bele disponível ba ema hotu
S.Exa. Ministru mós salienta katak ita presiza fortalese kapasidade institusionál ba jestaun no preservasaun koñesimentu, liu husi kriasaun no expansaun repozitóriu dijital, biblioteka livre no arkivu ida ne’ebé bele asesu ba publiku.
Partisipa iha Semináriu ne’e mak Prezidente Konsellu Ezekutivu INCT, Vise-Koordenadora Siénsia Aberta husi UNESCO-Jakarta, investigadór, dosente no estudante husi Instituisaun Ensinu Superior sira, reprezentante sira husi Sosiedade Sivíl, dirijente no funsionáriu tékniku husi INCT nian.
Média_URP-MESSK
