by Díli, 29 Dezembru 2025 – Ministériu Ensinu Superiór, Siénsia no Kultura (MESSK) hala’o Reuniaun Avaliasaun Anuál tinan 2025 iha Salaun Delta Nova, ho objetivu atu analiza dezempeñu servisu sira, rezultadu ne’ebé atinji ona, no dezafiu prinsipal sira ne’ebé hasoru durante tinan ida ne’e.
Reuniaun ne’e mos sai hanesan espasu atu halo refleksaun no defini rekomendasaun sira hodi hadi’a dezempeñu institusionál iha tinan tuir mai.
Iha okaziaun hanesan, Sua Exelénsia Ministru Ensinu Superiór, Siénsia no Kultura, Dr. José Honório, hato’o liafuan apresiasaun no motivasaun ba dirijente no funsionáriu sira hotu, hodi hamutuk hametin responsabilidade no kompromisu iha ezekusaun prioridade sira Ministériu nian.
Partisipa iha reuniaun ne’e mak reprezentante ANAAA, INCT no ETCI, dirijente, funsionáriu no asesór sira hosi Ministériu nian.
Média_MESSK
English 
Portuguese