May 21, 2024

Lensa Foto

Delegasaun husi Ministériu Ensinu Superiór, Siénsia no kultura, ne’ebé lidera husi Sra. Diretora-Jerál ba Ensinu Superiór no Siénsia, no Diretor Ezekutivu husi Fundu Dezenvolvimentu Kapitál Umanu(FDCH) hala’o sorumutuk tékniku hamutuk ho Diretor Ezekutivu ba Vocational Program Universidade Indonesia, Sr. Deni Daniel ho ninia estrutura, hodi koalia konaba posibilidade iha akordu tékniku entre instituisaun rua ne’e hodi bele dezenvolve área edukasaun,liu-liu Ensinu Superiór nian, atu bele prepara rekursu umanu ho kualidade.

Iha loron hanesan, iha parte loraik, Delegasaun hala’o enkontru ho Magnífika Reitora Universidade Persada, Jakarta, Dra. Sri Astuti Indri Yati, hodi hala’o diakusaun kona-ba posibilidade estabelese akordu tékniku ne’ebé Universidade refere submete ona ba MESSK. Objetivu akordu ne’e atu fasilita vistu ba estudante sira atu nune’e estudante bele foka-liu ba estudu.Delegasaun hala’o mós enkontru ho estudante sira iha Universidade ne’e hodi rona sira-nia preokupasaun no hodi fo motivasaun ba sira kontinua hala’o estudu ho susesu.

0Shares