Ministériu Ensinu Superior, Siênsia no Kultura(MESSK) Timor-Leste, hahu loke programa bolsa estudu kompletu ba Tinan Akadémiku 2025/2026, nível Mestradu baNasaun Malasia ho vaga 4 ba área estudu International Hospitality Management ba iha Sunway University-Malasia.
A. KRITERIA APLIKASAUN
Kriteria Jeral
- Tenki sidadaun Timorense
- Tenki iha kondisaun saúde (mentál no fíziku) ne’ebé permite atu halo estudu iha rai li’ur
- La iha rejistu ba kazu kriminál ka ezekusaun sivíl husi tribunál kontra kandidatu
- Kandidatu ba programa: Nível Mestradu ne’e ho idade 40 mai kraik, remata ona lisensiatura
- Ba kandidatu eis bolseiru husi MESCC- FDCH nian tenki kompleta minimu tinan rua (2).
Kritériu Espesífiku:
Iha síkulu estudu Mestradu nian:
- Portador diploma lisensiatura ka ekivalénsia, aneksa ho transkirsaun notas no certidão de habilitação legalizado;
- Tenki iha koñesimentu Jerál adekadu ho área ne’ebé hili ba espesializasaun iha Mestradu nian.
- Tenki domina lian Ingles iha nível ko’alia, hakerek no rona ho diak;
- Iha valór médiu mínimu 2,75 ba eskola iha Sunway University-Malasia Konsideravelmente equivalente História Escolar ka Transkrisaun Valór ikus programa Lisensiatura;
- Ba kandidatu ne’ebé servisu ona iha Administrasaun Públika Estadu no mos Setór Privadu tenki hetan rekomendasaun hosi superior hierárkiku fatin servisu nian atu bele konkore ba vaga Mestradu
B. SEI LABELE APLIKA BA BOLSA NEE NO LABELE SAI BOLSEIRU, BAINHIRA:
- Ema ne’ebé iha ona diploma hosi estabelesimentu ensinu superiór hanesan iha nível Diploma Lisensiatura iha área seluk ne’ebé la koresponde ho kursu ne’ebé mak oferese;
- Ema ne’ebé Eis Bolseiru, uluk estuda iha rai li’ur tuir programa Governu Timor-Leste rasik ka parceria Timor-Leste ho rai seluk maibé La susesu no lakon bolsa;
- Ema ne’ebé mak eis bolseiru susesu iha programa bolsa estudu Governu Timor-Leste nian rasik ka parceria ho rai seluk, hetan esperiénsia servisu iha Administrasaun Públika maibé la hetan rekomendasaun hosi superior hierárquico iha fatin servisu ba Administrasaun Públika nian;
- Funsionáriu permanente Estadu nian ne’ebé la hetan rekomendasaun hosi superior hierárkiku;
- Timor-oan ne’ebé mak hetan pena iha kazu civil ka kriminal tuir akordaun Tribunal nian ka hetan aplikasaun TIR;
- Ema ne’ebé hetan moras HIV/SIDA, TBC, ASMA, EPILEPSIA, moras sira ne’ebé facilmente transmissível no, conforme esperiénsia comum médiku nian, gravemente prejudika desempeñu estudante ida nian iha prosesu estudu;
- Timor-oan ne’ebé hetan espulsaun eh deportasaun husi Nasaun ruma bazeia razaun saída deit;
C. DOKUMENTU APLIKASAUN
Dokumentu obrigatóriu ne’ebé tenki submete iha períodu kandidatura nian mak hanesan tuir mai ne’e:
- Formuláriu aplikasaun kompletu tuir aprovasaun husi servisu Ministériu Ensinu Superior, Siênsia no Kultura-MESSK responsável ba bolsa estudu
- Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál hosi MESSK ne’ebé hetan ona akreditasaun)
- Fotokópia Passaporte Valido (karik iha)
- Sertidaun Moris RDTL, Tradusaun iha lian Ingles bain hira liu bolsa presija Notariadu husi Ministériu Justisa
- Kartaun Eleitoral no Bilete Identidade Kandidatu nian
- Boletim de Registu Kriminal; no Tradusaun iha lian Ingles, bain hira liu ona bolsa presija Notariadu hosi Ministériu Justisa
- Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina; Tradusaun iha lian Ingles
- Fotokópia Sertifikadu kualifikasaun iha lian lian Ingléz IELTS (6.0) ka TOEFL (500)
- Curriculum vitae asina no testamuña husi ema nain rua (Assinatura original kandidatu no testamuña); Uja lian Ingles
- Atestadu Mediku husi HNGV ka Hospital Referal (aneksa ho nia resultadu analisa);Tradusaun iha lian Ingles; bain hira liu bolsa mak submete
- Karta Rekomendasaun husi Supervizór fatin serbisu nian ka hosi Universidade (Assinatura no karimbo original); Uja lian Ingles;
- Esbosu proposta planu peskija nian, Numeru pagina livre; Tipo Letra Times New Roman ; Tamanho 12 ba konteudu; Tamanho 14 ba Titlu no Subtitlu; Espasu 2; Uja lian Ingles
D. PROSESU KANDIDATURA
- Formuláriu Aplikasaun bele foti iha link ne’e ( https://mescc.gov.tl/wp-content/uploads/2026/05/FORMULARIU-APLIKASAUN-1.pdf ) ka mai direita iha Unidade Parserias no Kooperasaun-UPC liu husi Ministério do Ensino Superior, Ciência e Cultura (MESCC),
- Informasaun klaru bele mai diretamente iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
- Kalendáriu Prosesu Kandidatura ba Sunway University-Malasia;
- Loron 19 Maiu-5 Juñu 2026 :Anúnsiu públiku no Devolve Dokumentu mai UPC
- Loron 10 Juñu 2026 : Anúnsiu Resultadu Selesaun Dokumentu
- Loron 16-17 Juñu 2026 : Intervista ba aplikante ne’ebé liu selesaun dokumentu
- Loron 22 Juñu 2026 :Pedidu Aprovasaun ba Lista Kandidatu
- Loron 26 Juñu 2026 : Anunsiu rezultadu finál
Mak ne’e deit, ba ita bo’ot sira nia atensaun ami hato’o, obrigadu wain
