Ministériu Ensinu Superior, Siénsia no Kultura (MESSC), liu husi Unidade Parceria no Kooperasaun (UPC), informa ba públiku katak Fujian Forestry Vocational and Technical College oferese bolsa estudu ba Programa Diploma Junior College ho durasaun tempu tinan tolu iha Republika Popular China. Programa bolsa estudu ne’e oferese vaga 10 ho área estudu rua (2) hanesan tuir mai ne’e:
- Tourism Management ,Vaga 5
- Architectural Engineering Technology, Vaga 5
A. BENEFÍSIU NE’EBÉ PROVIDENSIA HUSI PROGRAMA BOLSA:
- Fujian Forestry Vocational and Technical College sei responsabiliza ba Propinas, Alojamentu no kustu seluk ne’ebé relasiona ho estudu durante hala’o estudu iha China, tuir regulamentu ne’ebé aplikável.
- Kandidatu sira ne’ebé selesionadu ba bolsa estudu sei responsavél ba sira nia kustu billete ba no fila (bainhira remata estudu).
B. KRITÉRIU ELEJIBILIDADE:
- Tenki sidadaun Timorense
- Tenki iha kondisaun saúde (mental no fíziku) ne’ebé permite atu halo estudu iha rai li’ur
- Tenki iha idade entre tinan 18 to’o 25
- Tenki iha maturidade no kapasidade atu halo moris independente iha rai li’ur
- Laiha rejistu ba kazu kriminal ka ezekusaun sivíl husi tribunal kontra kandidatu
- Seidauk hetan bolsa husi governu Timor-Leste ka parseiru nasaun seluk
C. DOKUMENTU APLIKASAUN:
- Prense kompletu Formulariu Aplikasaun (hanehan iha link ne’e hodi asesu ba Formulariu Aplikasaun ” https://mescc.gov.tl/wp-content/uploads/2026/07/FORMULARIU-Aplikasaun.pdf “)
- Fotokópia pajina identifikasaun Passaporte RDTL ne’ebé validu
- Fotokópia Diploma no Rezume Kaderneta Ensinu Sekundáriu nian, akompaña ho tradusaun iha lian Inglés (tenki legalizadu orijinál husi ME ba diploma ensinu sekundáriu ne’ebé hetan ona akreditasaun)
- Fotokópia Sertifikadu kualifikasaun iha lian China HSK level 3
- Fotokópia Buletim Rejistu Kriminál (Non-Criminal Record Report) iha lian Ingléz
- Fotokópia Medical Examination Report
- Fotokópia Sertidaun RDTL iha lian Ingléz
- Fotokópia Kartaun Eleitorál no Billete Identidade aplikante nian
- Fotokópia Kartaun Eleitorál inan-aman husi aplikante
- Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma ka governu Timor-Leste no devidamente kandidatu rasik mak asina ho lian Ingléz
D. KALENDÁRIU BA KANDIDATURA NIAN:
| 13 Jullu 2026 | : Anúnsiu Públiku no Prense Formulariu |
| 13 – 20 Jullu 2026 | : Devolve Formulariu aplikasaun mai iha UPC-MESCC no selesaun dokumentu |
| 21 – 23 Jullu 2026 | : Anúnsiu Rezultadu Selesaun Dokumentu |
| 27– 29 Jullu 2026 | : Intervista ba aplikante ne’ebe liu selesaun |
| 3 – 4 Agostu 2026 | : Anúnsiu Rezultadu Final ba Kandidatu ne’ebé passa iha intervista |
Dokumentu Ofisial MESCC:
https://mescc.gov.tl/wp-content/uploads/2026/07/Bolsa-Estudu-Republika-Popular-China-MESCC-2026.pdf
