May 21, 2024

S.E. DR. JOSÉ HONÓRIO HO DELEGASAUN HALA’O SORUMUTUK HO S. EXA. EMBAIXADOR SR.HERMENEGILDO LOPES

Kambodia,09 Abril 2024 – Ministru Ensinu Superior, Siénsia no Kultura ho nia Delegasaun hala’o sorumutuk ho Embaixadór Timor-Leste iha Reinu Kamboja iha edifísiu Embaixada iha Phnom Penh.

Iha sorumutuk refere S. Exa. Ministru hato’o agradesimentu ba Sr. Embaixadór no ninian estrutura, ne’ebé ho disponiblidade tomak simu delegasaun husi MESSK nian no agradese mós apoiu ne’ebé Embaixada Timor-Leste fó iha prosesu preparasaun asinatura Memorandu Entendimentu entre Ministru Ensinu Superior, Siénsia no Kultura Timor-Leste no Ministru Edukasaun, Juventude no Desportu Kamboja.

Iha encontrou ne’e, S. Exa. Embaixadór partilla informasaun kona-ba apoiu ne’ebé maka Governu Reinu Kamboja fo tiha onda ba Timor-Leste iha aspetu ekonomia, saúde, sosiál, edukasaun no mós ba adezaun husi Timor-Leste ba ASEAN no Organizasaun Komérsiu Mundiál. Fó mós destake ba nesesidade Timor-Leste presiza estabelese politika hodi bele haburas relasaun bilaterál ida ne’e ho diak atu nune’e bele kontribui ba dezenvolvimentu Timor-Leste nian .

#Média_MESSK

0Shares