May 21, 2024

GOVERNU TIMOR-LESTE ASINA MEMORANDU ENTENDIMENTU HO GOVERNU REINU KAMBOJA

Kamboja,09 Abril 2024 – Ministru Ensinu Superior, Siénsia no Kultura, S.E. Dr. José Honório da Costa Jerónimo reprezenta Governu Timor-Leste hodi asina Memorandu Entendimentu ho Governu Reinu Kamboja, ne’ebé reprezenta husi Vise-Primeiru-Ministru no Ministru Edukasaun, Juventude no Desportu, Dr. Han Chuon Naron, iha instalasaun Ministériu Edukasaun, Juventude e Desportu Reinu Kamboja, iha Phnom Penh.

Akordu ida ne’e asina ho objetivu atu hametin no habelar relasaun kooperasaun entre nasaun rua ne’e iha setor ensinu superiór no teknolojia.

Iha intervensaun, S.E. Dr. José Honório hatete katak selebrasaun akordu ida ne’e importante tebes atu benefisia Timor-Leste iha formasaun kuadru rekursus umanus ho kualidade iha área teknika estratéjika no prioritária sira.

Sai sasin ba serimónia asinatura ida ne’e Sekretáriu Estadu ba Ministériu Edukasaun, Juventude no Desportu, Embaixadór Timor-Leste nian ba Reinu Kamboja, Diretora-Jerál Ensinu Superior no Siénsia husi Ministériu Ensinu Superior, Siénsia no Kultura Timor-Leste, Vise-Diretór-Jerál ba Ensinu Superiór husi Ministériu Edukasaun, Juventude no Desportu Kamboja, Vise-Prezidente Universidade Kamboja ho nia ekipa.

#Média_MESSK

0Shares