May 21, 2024

S.E.DR.JOSÉ HONÓRIO HALA’O SORUMUTUK HO NAIN BA UNIVERSIDADE LIMKOKWING MALÁZIA

Malázia, 12 abril 2024 – S.E. Ministru Ensinu Superior, Siénsia no Kultura, hamutuk ho Embaixadóra Timor-Leste nian ba Malaysia, Sra. Joana Amaral, halo enkontru ho Sra. Dato Tiffanee Marie Lim, Prezidente Universidade Limkokwing no Sra. Marie Gilmour, na’in ba Timor Lorosa’e Group PLT, iha edifisiu Embaixada Timor-Leste ba Malaysia.

Iha enkontru ida ne’e, Dato Tiffanee informa kona-ba kursu sira ne’ebé Universidade Limkokwing oferese no hato’o katak nia Universidade mos sei oferese Bolsu Estudu parsiál ba Timoroan sira ne’ebé hakarak atu mai kontinua sira-nia estudu iha Universidade Limkokwing.

Sr. Ministru agradese ba Sra. Dato Tiffanee no Sra. Marie Gilmour ne’ebé hakarak tulun Timor-Leste iha kapasitasaun rekursu umanu iha área xave sira no husu atu bele hetan informasaun detalladu kona-ba kursu sira ne’ebé Universidade oferese ho nia kustu sira atu nune’e Ministériu bele halo planu atu aprezenta ba Konsellu Administrasaun Fundu Dezenvolvimentu Kapitál Umanu nian.

#Média_MESSK

0Shares