May 21, 2024

MINISTRU ENSINU SUPERIÓR HASORU MALU HO DIRIJENTE SIRA ITEA MALÁZIA

Malázia,12 Abril 2024 – Ministru Ensinu Superior, Siénsia no Kultura Dr. José Honório hala’o enkontru ho Diretóra no Vise-Diretór husi Internasional Transnational Education Association (ITEA), nu’udar organizasaun ida ne’ebé dedikadu atu promove no dezenvolve kooperasaun entre instituisaun no individu sira ne’ebé envolve iha edukasaun transnasionál.

Iha enkontru ida ne’e, Jestór Rejiaun Áfrika-Europa nian, Sr. Goodwin Silver, halo aprezentasaun kona-ba kna’ar, atividade no apoiu ne’ebé halo ona iha nasaun sira seluk hodi hasa’e kualidade edukasaun no rekursu umanu sira liuhusi dezenvolvimentu kurríkulu ba instituisaun edukasaun nian, kapasitasaun no apoiu sira seluk ne’ebé nasaun ida presiza.

Sr. Ministru, iha enkontru ida ne’e, agradese ba ITEA ne’ebé hakarak mos atu fó apoiu ba Timor-Leste iha área ensinu superiór nian, liu-liu iha parte kurríkulu nomos kapasitasaun rekursus umanus nian, no husu mós atu ITEA bele konsidera possibilidade atu selebra memorandu entendimentu ida ho Ministériu hodi bele realiza atividade sira ne’e.

#Média_MESSK

0Shares