May 21, 2024

S.E.DR. JOSÉ HONÓRIO SAI SASIN BA ASINA AKORDU KOOPERASAUN HO UNIVERSIDADE KAMBOJA

Kamboja ,10 Abril 2024 – Ministru Ensinu Superior, Siénsia no Kultura sai sasin ba asinatura Akordu Kooperasaun iha área ensinu superiór no kapasitasaun rekursus umanus nian entre Ministériu Ensinu Superior, Siénsia no Kultura (MESSK), ne’ebé reprezenta husi Sra. Maria Filomena Lay Guterres, Diretora-Jerál Ensinu Superior no Siénsia, ho Universidade Kamboja, reprezenta husi Magnifiku Reitór.

S.E. Ministru, iha nia intervensaun hafoin assinatura akordu ne’e, agradese ba Universidade Kamboja ne’ebé iha tinan 2019 simu estudante Timoroan na’in 10 ne’ebé hetan bolsu estudu kompletu husi Governu Reinu Kamboja hodi kontinua sira-nia estudu nível lisensiatura iha área negósiu internasionál, relasaun internasionál, informátika no teknolojia.

Tuir planu, Governu timor-Leste,Liu husi Ministériu Ensinu Superiór, Siénsia no Kultura, sei haruka estudante timoroan hamutuk na’in 10 ne’ebé liu tiha ona faze selesaun ba faze daruak nian atu kontinua sira nia estudu iha Universidade Kamboja.

Partisipa mós iha asinatura akordu ida-ne’e, mak Embaixadór Timor-Leste nian ba Reinu Kamboja, Sr. Ermenegildo Lopes.

#Média_MESSK

0Shares