June 19, 2024

MESSK Partilla Informasaun kona-ba Bolsa Estudu Iha Diálogu husi S. Exa. Primeiru-Ministru ho Autoridade Lokál Munisípiu Liquiçá

S. Exa. Ministru Ensinu Superiór, Siénsia no Kultura (MESSK), Longuinhos dos Santos, hamutuk ho membru Governu balun kontinua akompaña S. Exa. Primeiru-Ministru Taur Matan Ruak hala’o diálogu ho Autoridade Lokál no Komunitária sira iha Munisípiu Liquiçá ho tema: “Reforsa Reziliénsia Nasaun Nian”.S. Exa. MESSK aproveita oportunidade ida ne’e hodi partilla informasaun kona-ba bolsa estudu ne’ebé mak Ministériu Ensinu Superiór, Siénsia no Kultura, liuhusi Fundu Dezenvolvimentu Kapital Humanu (FDCH sigla portugés), implementa tiha ona atu asegura investimentu iha formasaun rekursu umanu sira. Hahú husi 2011 to’o agora atinji tiha ona 6.401 benefisiáriu sira, ne’ebé kategoriza kada munisipiu nian. Munisipiu Liquiçá ne’ebá mak sai benefisiáriu hamutuk 286, ne’ebé fahe mane 159 no feto 127.Aleinde ne’e, informa mós katak VIII Governu Konstitusionál, liu husi Ministériu Ensinu Superiór, Siénsia no Kultura, kria mos programa foun ida ho naran bolsa Hakbi’it ba família Kbi’it Laek. Iha programa ne’e, benefisiáriu husi Munisípiu Liquiçá ne’ebé mak asesu ba bolsa refere hamutuk 49, fahe ba feto 26 no mane 23.Dialogu ne’e hala’o iha salaun Administrasaun Munisípiu Liquiçá no hetan partisipasaun membru Governu, Administradór Munisipiu, Administradór Postu, Xefi Suku, Xefi Aldeia, reprezentante relijiozu, veteranus, grupu juventude no sosiedade sivil.

0Shares