March 1, 2024

MESSK Akompaña S. Exa. Primeiru-Ministru Kontinua Hala’o Diálogu ho Autoridade Lokál Munisípiu Bobonaro

S. Exa. Ministru Ensinu Superiór, Siénsia no Kultura, Longuinhos dos Santos, hamutuk ho membru Governu balun kontinua akompaña S. Exa. Primeiru-Ministru Taur Matan Ruak hala’o diálogu ho Autoridade Lokál no Komunitária sira iha Munisipiu Bobonaro ho tema: “Reforsa Reziliénsia Nasaun Nian”.Iha diálogu ne’e, S. Exa. Ministru partilla mós programa Ministériu Ensinu Superiór, Siénsia no Kultura nian durante mandatu: “Hau hakarak partilla informasaun liu-liu kona-ba bolsa estudu ne’ebé mak Ministériu Ensinu Superiór, Siénsia no Kultura implementa tiha ona, liuhusi Fundu Dezenvolvimentu Kapital Humanu (FDCH sigla ho portugés), ne’ebé dadus nasionál investimentu rekursu umanu porvolta 6.401 benefisiáriu sira, ne’ebé ita kategoriza kada munisipiu nian.Nune’e husi númeru ne’e mak temi tiha iha leten, Munisípiu Bobonaro sai hanesan benefisiáriu mak hamutuk 451, ne’ebé fahe feto 155 no mane 256.Aleinde ne’e, informa mós katak VIII Governu Konstitusionál, liu husi Ministériu Ensinu Superiór, Siénsia no Kultura, kria mos programa foun ida ho naran bolsa Hakbi’it ba familia Kbi’it Laek. Iha programa ne’e, benefisiáriu husi Munisípiu Bobonaro ne’ebé mak asesu ba bolsa refere hamutuk 55, fahe ba feto 38 no mane 15.Sr. Ministru informa katak iha tinan 2022, Ministériu Ensinu Superiór, Siénsia no Kultura, liuhusi FDCH, sei implementa bolsa Kbi’it Laek foun hamutuk 1000, ne’ebé fahe ba kada munisípiu ho númeru mínimu hamutuk 76.Diálogu ne’e hala’o iha Gor Maliana Vila no hetan partisipasaun membru Governu, Administradór Munisipiu, Administradór Postu, Xefi Suku, Xefi Aldeia, reprezentante relijiozu, veteranus, grupu juventude no sosiedade sivil.

0Shares