July 25, 2024

MESSK no SEAK Partisipa Iha Audiénsia Públika ho Komisaun G Parlamentu Nasional

S. Exa. Ministru Ensinu Superiór, Siénsia no Kultura, (MESSK), Longuinhos dos Santos, no S. Exa. Sekretáriu Estadu Arte no Kultura, (SEAK), Teófilo Caldas, akompaña husi dirijente sira husi Ministériu nian, hala’o audiénsia públika ho Deputadu sira husi Komisaun G Parlamentu Nasionál, ne’ebé lidera husi Prezidente Komisaun ne’e rasik, Deputadu António Verdial.Objetivu husi sorumutuk ne’e, hodi aprezenta pontu situasaun kona-ba implementasaun programa no orsamentu iha tinan 2022, no mós hodi halo aprezentasaun kona-ba proposta OJE 2023 ba Ministériu Ensinu Superiór, Siénsia no Kultura nian. Ekipa ne’ebé akompaña S. Exa. MESSK no S. Exa. SEAK kompostu husi Diretor-Jerál Administrasaun no Finansas, Diretora-Jerál Ensinu Superiór no Siénsia, Diretor-Jerál Arte no Kultura, Inspetór-Jerál, Diretór Ezekutivu FDCH, Koordenadora Unidade Planiamentu Parseria no Koperasaun no Asesór sira.

0Shares