February 6, 2023

MESSK Husu Komunidade Suku Meligo La bele Tauk Atu Simu Vasin

S. Exa. Ministru Ensinu Superior, Siénsia no Kultura, (MESSK), Longuinhos dos Santos, husu ba komunidade suku Miligo, Postu Administrativu Cailaco, Munisipiu Bobonaro, atu la bele tauk simu vasina. Tanba visina mak bele proteje ita husi Covid-19. Iha abertura ne’e, Sr. Ministru imforma katak, “Governu nia misaun prinsipál no preokupasaun mak nia populasaun nia moris-diak. Tan razaun ida-ne’e, Governu iha obrigasaun atu proteja populasaun hodi kontra amiasa sira, liu-liu dezastre naturál no moras sira”. Nune’e Sr. Ministru husu ba inan ho aman sira tenki vasina, tanba vasina mak dalan úniku ba ita hotu para bele ptoteje no hasa’e imunidade ba ita nia an”.Sr. Ministru mos husu ba inan ho aman sira sempre rona imformasaun balun katak vasina ne’e halo ita mate, ida ne’e bosok. Tanba iha nasaun ida, la iha hanoin at ba nia povu rasik, maibe atu proteje nian povu. Tanba ne’e, dalan ida tan agradese ba inan no aman sira ne’ebé mak marka prezensa iha fatin ne’e, kontunua halolon imformasaun ba ita nia maluk sira ne’ebé mak seidauk simu vasina”.Kampaña ida ne’e hetan kolaborasaun diak husi Administrador Postu, Xefi suku, Xefi Aldea no ekipa husi Ministeriu Saude Nasional ho Munisipal nian.Ho prezensa husi S. Exa. Ministru Ensinu Superior, Siénsia no Kultura no ekipa hetan progressu aumenta Numero vasinante husi Suku Meligo rasik.

0Shares
X