MESSK HAMUTUK HO SEKRETARIA ESTADU IGUALDADE (SEI) ORGANIZA SEMINÁRIU HO TEMA: “DEZENVOLVE MATADALAN MONITORIZASAUN IMPLEMENTASAUN DEKLARASAUN MAUBISSE”

Dili, 11/02/2025: Ministériu Ensinu Superiór, Siénsia no Kultura (MESSK) hamutuk ho Sekretaria Estadu Igualdade hala’o Mini Workshop ba faze datoluk ho nia tema “DEZENVOLVE MATADALAN MONITORIZASAUN IMPLEMENTASAUN DEKLARASAUN MAUBISSE”.

Eventu ne’e hala’o iha Salaun Enkontru MESSK no loke husi Diretór-Jerál Planeamentu no Finansas (DJPF), Sr. Hernâni Viterbo da Costa Soares, no hetan partisipasaun husi Diretór-Jerál Sekretaria Estadu Igualdade, Sr. Armando da Costa, ho nia ekipa sira, Diretor Nasionál, Koordenadór Unidade, Kargus Xéfia no funsionáriu sira husi MESKK nian.

Iha ninia intervensaun DJPF hato’o bem-vindu ba Diretór-Jerál Sekretaria Estadu Igualdade ho nia ekipa sira, no salienta katak MESSK presiza halo diskusaun atu ajusta programa haat ne’ebé MESSk iha responsabilidade atu implementa.   

Husi parte Diretór-Jerál Sekretaria Estadu Igualdade agradese ba MESSK ne’ebé prepara fatin no kondisaun hodi bele realiza mini workshop ne’e, ne’ebé importante tebes atu bele finaliza dokumentu sira balun atu submete ba aprovasaun Konsellu Ministrus iha futuru.

Media URP-MESSK