by 
Aileu, 26/07/2024: S. Exa. Ministru Ensinu Superiór, Siénsia no Kultura, Dr. José Honório, halo enseramentu ba ´´Formasaun Kadernu Padraun ba Lisensiamentu Ensinu Superiór“, ne’ebé mak realiza husi Diresaun Nasional Ensinu SUperiór, iha Polo ISC, Munisipiu Aileu Villa.
Objetivu husi atividade ida ne’e, maka atu oferese formasaun ba iha tékniku sira husi Ministériu Ensinu Superiór nian, liu-liu ba tékniku sira husi Diresaun Jeral Ensinu Superiór no mos Diresaun Jeral Planeamentu no Finansas hodi kumprende diak kona-ba regras no prosedimentus sira ne’ebé mak vigora ba iha kriterius Kadernu padraun Lisensiamentu estabelesimentu Ensinu Superiór iha Timor-Leste nian. Atu nune’e ba futuru wainhira téknikus sira bele ezerse sira nia funsaun ho diak, ba implementasaun sira ne’ebé mak ligadu ho Lisensiamentu estabelesimentu, avaliasaun, monitorizasau no verifikasaun ba prosedimentus téknikus sira iha Instituisaun Ensinu Superiór sira iha Timor-Leste.
Formasaun refere halao durante loron lima (5) nia laran, ne’ebé mak inisa ho abertura ofisial husi Diretor Jeral Planeamentu no Finansas, Sr. Hernâni Viterbo da Costa Soares, iha loron Segunda-Feira, 22 Jullu 2024, iha fatin hanesan.
Realizasaun formasaun ida ne’e base-ia ba, despaxu Ministérial, Ministeriu Ensinu Superiór, Siénsia no Kultura, N.º 090/GM/MESCC/II/2020, kona-ba ´´Kadernua Padraun ba Lisensiamentu Instituisaun Ensinu Superiór“, ne’ebé hanesan mos guiaun legal ida hodi avalia proposta no regulariza kriasaun ba estabelesimetnu Instituisaun Ensinu Superiór foun sira hodi bele assegura kualidade husi Ensinu Superiór iha Timor-Leste nian. Ne’ebé mak aliña mos ho Dekretu-Lei n.º 8/2009, 19 de Maiu, kona-ba ´´Regime jurídiku Estabelesimentu Ensinu Superior“, atu regula kona-ba, konstituisaun, atribuisaun, funsionamentu, no kompetensia husi Instituisaun Ensinu Superiór sira.
Portanto, formador ba iha formasaun loron lima (5), refere, mai husi Tékniku Diresaun Nasional Ensinu Superiór – MESSK rasin no mos, Unidade Koordenasaun ba Koordenadora Universidade no Institutu (CUIS – Sigla Portugés).
S. Exa. Ministru ne’ebé akompañadu mos husi Inspetor Jeral MESSK, Sr. Domingos Barro, iha sesaun enseramentu refere, kongratula partisipantes sira ne’ebé mak hola parte ona iha formasaun ida ne’e to remata, no afirma mos kona-ba, politika husi IX Governu nian ne’ebé maka, iha planu hakarak atu investe ba ajustamentu estabelesimentu Instituisaun Ensinu Superiór tékniku (Politekniku) ne’ebé maka, iha ona planu sei implementa iha Timor-Leste.
Sesaun enseramentu ida ne’e, hetan partisipasaun husi, S. Exa. Presidente autoridade Munisipiu AIleu, PNTL Aileu, Magnifiku Reitor ISC, kargus dirijentes no téknikus sira husi MESSK, dosentes, estudante no téknikus sira husi ISC no Instituisaun relevantes sira seluk.
