Ministériu Ensinu Superior, Siênsia no Kultura(MESSK) Timor-Leste, hahu loke programa bolsa estudu kompletu ba Tinan Akadémiku 2026/2027, nível Mestradu ba Nasaun Malasia ho vaga 3 ba área estudu Hospitality and Tourism Management ba iha Universiti Sabah Malaysia (USM)-Malasia.
A. KRITERIA APLIKASAUN
kritéria jerál
- Tenki sidadaun Timorense;
- Tenki iha kondisaun saúde (mentál no fíziku) ne’ebé permite atu halo estudu iha rai li’ur;
- La iha rejistu ba kazu kriminál ka ezekusaun sivíl husi tribunál kontra kandidatu;
- Kandidatu ba programa: Nível Mestradu ne’e ho idade 40 mai kraik, remata ona lisensiatura;
- Ba kandidatu eis bolseiru husi MESKK- FDCH nian tenki kompleta minimu tinan rua (2);
Kritéria Espesífiku:
Iha síkulu estudu Mestradu nian:
- Portador diploma lisensiatura ka ekivalénsia, aneksa ho transkirsaun notas no certidão de habilitação legalizado;
- Tenki iha koñesimentu Jerál adekadu ho área ne’ebé hili ba espesializasaun iha Mestradu nian;
- Tenki domina lian Ingles iha nível ko’alia, hakerek no rona ho diak;
- Iha valór médiu mínimu 2,75 ba eskola iha Universiti Sabah Malaysia (USM)-Malasia;
- Konsideravelmente equivalente História Escolar ka Transkrisaun Valór ikus programa Lisensiatura;
- Ba kandidatu ne’ebé servisu ona iha Administrasaun Públika Estadu no mos Setór Privadu tenki hetan rekomendasaun hosi superior hierárkiku fatin servisu nian atu bele konkore ba vaga Mestradu;
B. SEI LABELE APLIKA BA BOLSA NEE NO LABELE SAI BOLSEIRU, BAINHIRA:
- Ema ne’ebé iha ona diploma hosi estabelesimentu ensinu superiór hanesan iha nível Diploma Lisensiatura iha área seluk ne’ebé la koresponde ho kursu ne’ebé mak oferese;
- Ema ne’ebé mak eis bolseiru susesu iha programa bolsa estudu Governu Timor-Leste nian rasik ka parceria ho rai seluk, hetan esperiénsia servisu iha Administrasaun Públika maibé la hetan rekomendasaun hosi superior hierárquico iha fatin servisu ba Administrasaun Públika nian;
- Timor-oan ne’ebé mak hetan pena iha kazu civil ka kriminal tuir akordaun Tribunal nian ka hetan aplikasaun TIR;
- Ema ne’ebé hetan moras HIV/SIDA, TBC, ASMA, EPILEPSIA, moras sira ne’ebé facilmente transmissível no, conforme esperiénsia comum médiku nian, gravemente prejudika desempeñu estudante ida nian iha prosesu estudu;
- Timor-oan ne’ebé hetan espulsaun eh deportasaun husi Nasaun ruma bazeia razaun saída deit;
C. DOKUMENTU APLIKASAUN
Dokumentu obrigatóriu ne’ebé tenki submete iha períodu kandidatura nian mak hanesan tuir mai ne’e:
- Formuláriu aplikasaun kompletu tuir aprovasaun husi servisu Ministériu Ensinu Superior, Siênsia no Kultura-MESSK responsável ba bolsa estudu
- Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál hosi MESSK ne’ebé hetan ona akreditasaun)
- Fotokópia Passaporte Valido (karik iha)
- Sertidaun Moris RDTL, Tradusaun iha lian Ingles bain hira liu bolsa presija Notariadu husi Ministériu Justisa
- Kartaun Eleitoral no Bilete Identidade Kandidatu nian
- Boletim de Registu Kriminal; no Tradusaun iha lian Ingles, bain hira liu ona bolsa presija Notariadu hosi Ministériu Justisa
- Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina; Tradusaun iha lian Ingles
- Fotokópia Sertifikadu kualifikasaun iha lian Ingles IELTS (6.0), TOEFL (500), IBT(40), Pearson Test of English (47) and MUET (B3.5)
- Curriculum vitae asina no testamuña husi ema nain rua (Assinatura original kandidatu no testamuña); Uja lian Ingles
- Atestadu Mediku husi HNGV ka Hospital Referal (aneksa ho nia resultadu analisa);Tradusaun iha lian Ingles; bain hira liu bolsa mak submete
- Karta Rekomendasaun husi Supervizór fatin serbisu nian ka hosi Universidade (Assinatura no karimbo original); Uja lian Ingles;
- Esbosu proposta planu peskija nian, Numeru pagina livre; Tipo Letra Times New Roman ; Tamanho 12 ba konteudu; Tamanho 14 ba Titlu no Subtitlu; Espasu 2; Uja lian Ingles
D. PROSESU KANDIDATURA
- Formuláriu Aplikasaun bele oti liu husi link ne’e ( https://mescc.gov.tl/wp-content/uploads/2026/05/FORMULARIU-BOLSA-ESTUDU.pdf ) ka bele mai foti direita iha Unidade Parserias no Kooperasaun-UPC liu husi Ministério do Ensino Superior, Siência e Kultura (MESKK),
- Informasaun klaru bele mai diretamente iha UPC-MESKK, Avenida Marginal no. 4 Colmera – Dili, Timor-Leste, iha oras serbisu nian.
- Bele mos kontaktu Sra. Irene da costa No Tlf.73566061 (Wa) ou Sra Lurdes dos Reis No Tlf. 74340051 (Wa)
Kalendáriu Prosesu Kandidatura ba Universiti Sabah Malaysia (USM)-Malasia.
- Loron 29 Maiu–15 Juñu 2026 : Anúnsiu públiku no Devolve Dokumentu mai UPC
- Loron 16 Juñu 2026 : Anúnsiu Resultadu Selesaun Dokumentu
- Loron 18-19 Juñu 2026 : Intervista ho MESCC
- Loron 22 Juñu 2026 : Pedidu Aprovasaun ba Lista Kandidatu Selesionadu no Anunsiu rezultadu finál
Mak ne’e deit, ba ita bo’ot sira nia atensaun ami hato’o, obrigadu wain.!
