Diseminasaun Lei Nº. 7/2020 “Medida Prevensaun no Kombate Korupsaun” ba Kargu Diresaun no Xefia, Asesór no Funsionáriu sira hosi Administrasaun no Finansa nian

Ministériu Ensinu Superiór Siéncia no Kultura liuhosi Diresaun Nasionál Rekursu Umanu, organiza semináriu konaba diseminasaun lei Nº. 7/2020 “Medida Preensaun no Kombate Korupsaun” ba Kargu Diresaun no Xefia, asessór no funsionariu sira hosi administrasaun no finana, iha salaun Delta Nova.

Iha Semináriu ne’e, S. Exa. Sekretáriu Estadu Arte no Kultura (SEAK) Sr. Teofilo Caldas lori Ministru Ensinu Superiór, nia naran, hateten iha nia diskursu katak ´´Korupsaun katak na’ok, no na’ok katak estraga ema seluk, no iha biban ne’e Sua Exelénsia mós kongratula KAK ba resultadu servisu hirak ne’ebe mak durante ne’e halo ona.

No husu mos ba asesór sira atu servisu makas ho vontade no fó paresér ba iha membru governu no diretór sira, atu bele prevene korupsaun. Iha diskursu ne’e mós, S. Exa. Teofilo Caldas husu ba funsionariu, dirizente no xefia sira atu tau-atensaun makas ba dokumentu no servisu hotu, antes atu asina ka foti-desisaun, no ba hirak ne’ebe mak partisipa iha seminariu refere bele partisipa ho di’ak no aplika iha servisi-fatin“.

Portantu Diretór Jerál Administrasaun no Finansa, MESSK nian, Sr. Hernâni Viterbo da Costa Soares hateten, MESSK rasik hatada ona dadus kona-ba funsionariu sira-ne’ebé hetan kobertura hosi lei refere ho totál na’in-93, kompostu husi, Xefe gabinete na’in-2, kargu Diretór Jerál ka Ekiparadu nai’n-5, Diretór Nasionál ka Ekiparadu na’in-22, Xefe departamento na’in-24, Asesór na’in-9, no funcionariu sıra ne’ebé hola-parte iha ámbitu implementasaun lei ida-ne’e hamutuk na’in-31, la inklui S. Exa. Ministru no Sekretáriu Estadu.

Objetivu principal husi eventu ida-ne’e rasik, atu hakle’an liután informasaun ba funsionariu sira ne’ebé nia dadus pesoál no dadus agregadu familiár ne’ebé hatama ona ba KAK, hodi bele komprende diak liután kona-ba lala’ok sira hotu, atu nune’e bele kombate korupsaun no hanesan parte ida mós husi ministériu atu kontribui ba iha implementasaun lei ne’e rasik.

Lei Nº.7/2020 rasik hatuur medida jerál sira ba prevensaun, kona-ba rejime deklarasaun rendimentu, bein no interese, defini krimi korupsaun, pena ne’ebé sei aplika ba, no meiu espesiál atu hetan no rai prova sira. Seminariu ne’e hetan aprezentasaun husi Adjuntu ba Asuntu Prevensaun no Sensibilizasaun, Sr. Luis Sampaio, no S. Exa. Sekretáriu Estadu Arte no Kultura Sr. Teofilo Caldas, Komisáriu ba Komisaun Anti Korupsaun, Dr. Sérgio Hornai, no hetan partisipasaun husi Diretór-Jerál, Dirijente, Xefe Departamentu, Funsionáriu no Asesór sira hosi MESSK no SEAK.