June 24, 2024

MESSK Prezidi ba Sorumutuk Konsellu Administrasaun FDCH nian

S. Exa. Ministru Ensinu Superiór, Siénsia no Kultura (MESSK) no Prezidente Konsellu Administrasaun Fundu Dezenvovimentu Kapitál Umanu (FDCH, sigla portugés), Longuinhos dos Santos, lidera sorumutuk Konsellu Administrasaun FDCH ba daruak iha ámbitu VIII Governu Konstitusionál ho objetivu prinsipál hodi diskuti no aprova proposta atividade sira no OJE 2022 ba FDCH nian.

Iha sorumutuk ida ne’e, hanesan Membru Konsellu Administrsaun, marka mós prezensa S. Exa. Ministru Justisa, Manuel Cárceres da Costa, S. Exa. Ministru Petróleu no Minerais, Víctor da Conceição Soares, no Sekretáriu Estadu Formasaun Profisionál no Empregu, Alarico do Rosário.

Sorumutuk ida ne’e hala’o iha Hotel Novu Turismu iha Lecidere no hetan mós partisipasaun husi Prezidente INCT, Vise Prezidente INCT, Diretora Ezekutivu FDCH, Tekniku no asesór sira.

0Shares