by 
Ministériu Ensinu Superiór, Siénsia no Kultura asina Kontratu rua ho kompañia operadór telekomunikasaun tolu hanesan Timor Telekom, Telkomsel no Telemor, atu fó pulsa ba estudante no disponibiliza Liña Internet iha Instituisaun Ensinu Superior sira iha Timor Leste.
Kontratu rua ne’ebé temi iha leten, kompostu maihosi, ida atu fornesimentu pulsa ba estudante sira husi ensinu superiór 18, ne’ebé mak hetan akreditasaun hosi Ensinu Superior, no rua sei apoiu liña internet ba iha instituisaun ensinu superior privadu 16, la inklui UNTL ho IPB (Governu nian).
Totál estudante ne’ebé rejistadu atu simu apoio pulsa husi instituisaun ensinu superiór 17 ne’ebé mai hatama lista naran no numeru telemóvel ba Iha ministeriu liuhosi Diresaun Jerál Ensinu Superiór no Siénsia, hamutuk ema na’in-38.107, ne’ebé sei fahe ba kada kompañia, ema na’in-na’in-9.244 ba Timor Telekom, ema 5.195 ba Telkomsel no ema na’in-23.668 baTelemor.
Pulsa ne’e sei fahe ba fulan-3, dólar 10 ba estudante ida, kada númeru iha kada fulan, to’o fulan tolu, sura hosi loron asina kontratu ho kompañia fornesedór sira, ho nia mekanizmu. Pulsa refere sei transfere direta hosi kompañia ba estudante sira-nia númeru no sei akompaña ho mensajen ida katak pulsa ne’e hanesan apoiu ida husi Governu hodi fasilita asesu ba internet ba estudante sira husi ensinu superior nian.
Kona-na Liña Internet iha Instituisaun Ensinu Superior, MESSK sei asegura orsamentu ho montante $1.500 iha kada fulan Serimónia ida ne’e hala’o iha Ministériu Ensinu Superiór, Siénsia no Kultura no hetan partisipasaun husi Diretór Jerál Administrasaun no Finansa, Sr. Hernâni Viterbo da Costa Soares, Dirigente sira husi kompañia Timor Telekom Sr. Ladislau Eustaquio de Sousa Saldanha, Telkomcel, Sr. Yogi Rizkian Bahar, no Telemor, Sr. Tran Vang Bang.
