MESSK Partispa iha Programa “Lunch Meeting on the Occasion of the High-Level Consultation Meeting to share the findings of gaps assessments on ASEAN Economic Pillar”

S. Exa. Ministru Ensinu Superiór, Siénsia no Kultura (MESSK), Longuinhos dos Santos, partisipa iha programa ne’ebé lidera husi S. Exa. Ministra Negósiu Estranjeiru no Kooperasaun, Adalgiza Albertina Xavier Reis Magno, no Ministru Turismu, Komérsiu no Indústria, José Lucas do Carmo Silva, hodi prepara Sorumutuk Konsulta Nivel Aas nian atu fahe lakuna ka nesesidade ne’ebé identifika ona iha ámbitu “Pilar Ekonómiku ASEAN nian”.

Sorumutuk ida ne’e hala’o iha Hotel Timor, no hetan mós partisipasaun husi S. Exa. Ministru Agrikultura no Peskas, S. Exa. Ministru Justisa, S. Exa. Vise-Ministru Komérsiu no Indústria, S. Exa. Vise-Ministru Negósiu Estranjeiru no Kooperasaun, Diretór-Jeral husi Ministériu sira, Reprezentante sira husi Instituisaun Autónomu no konvidadu sira seluk.