Ministériu Ensinu Superiór, Siensia no Kultura(MESSK) liu-hosi Unidade Parserias no Kooperasaun (UPK) informa ba públiku katak European Public Law Organization (EPLO) ka European Law and Governance School (ELGS) oferese bolsa estudu rua (2) ba Programa Mestradu iha Portugal ba sidadaun hosi nasaun membru Comunidade dos Países de Língua Portugues (CPLP) ba área estudu rua (2) hanesan tuir mai ne’e:
- LL.M in International Organizations, Vaga ida (1)
- Master’s in Global Rule of Law and Democracy, Vaga ida (1)
A. Benefísiu no fasilidade ne’ebé providensia husi programa bolsa :
- Kandidatu sira ne’ebe liu selesionadu ba programa LLM in International Organizations sei benifisia propinas no taxa adimisaun ho total orsamentu 5.600 Euros
- Kandidatu sira ne’ebe liu selesionadu ba programa Master’s in Global Rule of Law and Democracy sei benifisia propinas no taxa adimisaun ho total orsamentu no taxa adimisaun ho total orsamentu 4.900 Euros
- Kandidatu sira ne’ebe liu selesionadu ba bolsa refere ne’e sei livre alojamentu hosi Campus ELGS, Cascais Portugal
- Apoiu taxa inskrisaun ba kandidatu sira hosi nasaun membru CPLP
- Oportunidade atu hala’o estudu iha ambiente akademiku internasional ho Padraun a’as.
B. KRITERIA ELIJIBILIDADE
- Tenki sidadaun Timorense
- Tenki iha kondisaun saúde (mentál no fíziku) ne’ebé permite atu halo estudu iha rai li’ur
- Tenki iha maturidade no kapasidade atu halo moris independente iha rai li’ur
- La iha rejistu ba kazu kriminál ka ezekusaun sivíl husi tribunál kontra kandidatu
C. DOKUMENTU APLIKASAUN
- Priense kompletu Formulariu Aplikasaun online ho Lian Inglés
- Fotográfia no dokumentu identidade (Passaporte)
- Diploma no Transkrisaun Akademika ho tradusaun lian Ingléz, legalizadu husi Ministériu Ensinu Superior, Siênsia no Kultura
- Sertifikadu Kualifikasaun iha lian Inglés hanesan TOEFL, IELTS, Duolingo English test ka sertifikadu ekivalente
- Karta Motivasaun (Personal Statement) minímu 400 no maksímu 600 liafuan, bainhira aplika ba bolsa
- Karta Rekomendasaun rua (2) husi supervizór fatin servisu ka hosi Universidade ho lian Ingléz.
- Fotokópia Sertidaun RDTL
- Fotokópia Kartaun Eleitorál no Billete Identidade
D. PROSESU KANDIDATURA
- Aplikasaun liu-hosi Online ho link https://www.elgs.eu/application-forms/
- Ba kualker duvida bele kontaktu diretamente ba Telefone:+351 933 735 190 ou bele mos liu hosi email admissions@elgs.eu
- Kalendáriu ba Kandidatura nian loron ikus iha 26 Juñu 2026
https://mescc.gov.tl/wp-content/uploads/2026/06/Bolsa-Estudu-ELGS-MESCC-2026.pdf
Mak ne’e deit, Ba ita bo’ot sira nia atensaun ami hato’o, obrigadu wain
