AVIZU – CHINESE GOVERNMENT SCHOLARSHIP 2025/2026

Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC) informa ba públiku katak Governu Republika Populár China liu husi Chinese Government Scholarships (CGS) for Academic Years 2025/2026 oferese bolsu estudu kompletu ba Timor oan nain ruanulu (20) atu kontinua estudu iha Instituisaun ensinu superiór ka akadémia peskiza nian iha nasaun China, ho programa nível Lisensiatura (S1), nivel Mestradu (S2), nivel Doutoramentu (S3), General Scholar Program no mos Senior scholar program.

KRITERIA ELIJIBILIDADE

1. Tenki sidadaun Timorense
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. Tenki iha maturidade no kapasidade atu halo moris independente iha rai li’ur
4. La iha rejistu ba kazu kriminál ka ezekusaun sivíl husi tribunál kontra kandidatu
5. Seidauk hetan bolsa husi governu Timor-Leste ka parseiru nasaun seluk (iha momentu mai aplika bolsa ida ne’e)
6. Ba kandidatu ba programa:
   1. Nível Lisensiatura (tenki idade 25 mai kraik), remata ona ensinu sekundáriu ka ekivalente
   1. Nível Mestradu (tenki idade 35 mai kraik), remata ona lisensiatura
   1. Nível Doutoramentu ( tenki idade 40 mai kraik), remata ona mestradu
   1. General Scholar Program (tenki idade 45 mai kraik) kompleta ona tinan rua ba lisensiatura
   1. Senior scholar program (tenki idade 50 mai kraik) iha ona titlu mestradu ou associate professor
7. Ba kandidatu ba programa:
   1. Nível Lisensiatura, General Scholar Program no Senior scholar program tenke hetan ona Sertifikadu Lian China HSK Level 3 (Studying Chinese language are exempted)
   1. Nível Mestradu no Doutoramentu tenke hetan ona Sertifikadu Lian China HSK Level 4
8. Priense rekezitu administrasaun tomak husi universidade nian mak hanesan: iha kapasidade akadémika, abilidade iha lingua no kritéria relevante sira seluk.

DOKUMENTU APLIKASAUN

1. Priense kompletu Formulariu Aplikasaun online Chinese Government Scholarship.
2. Fotokópia pajina identifikasaun Passaporte RDTL validu no autentika orijinál husi Ministériu Justisa. (Passaporte nia validade mak posterior husi dia 1 Marsu 2025).
3. Fotokópia Diploma no Rezume Kaderneta Ensinu Sekundáriu nian, akompaña ho tradusaun iha lian Inglés (tenki legalizadu orijinál husi MEJD ba diploma ensinu sekundáriu ne’ebé hetan ona akreditasaun), ba kandidatu ne’ebé atu aplika nivel Lisensiatura.
4. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál husi MESCC ne’ebé hetan ona akreditasaun), ba kandidatu ne’ebé atu aplika nivel Mestradu no Doutoramentu.
5. Fotokópia Sertifikadu kualifikasaun iha lian China HSK no lian Ingléz IELTS ka TEOFL ka ekivalente (tenke validu)
6. Ba kandidatu sira ne’ebé maka foti mestradu, doutoramentu ka senior scholar program presiza aneksa dokumentus admisaun, inklui Admision Notice, Pre-Admission Letter, Invitation from Professor, etc); kandidatu sira ne’ebé iha ona dokumentu admisaun sei sai prioridade ba vaga bolsa ida ne’e.
7. Hakerek Planu Estudu (Study Plan) iha lian Ingles (ba nivel lisensiatura minimu 200 palavras, ba non-degree minimu 500 palavras, no ba nivel mestradu no doutoramentu minimu 800 palavras).
8. Ba kandidatu sira ne’ebé maka foti mestradu, doutoramentu ka senior scholar program presiza aneksa Karta Rekomendasaun rua (orijinál ka iha lian Ingléz) husi professór ka assosiasaun professór sira.
9. Kandidatu ne’ebé mak aplika ba area estudu Artes ka Dezeñu tenki hatama exemplu artes ka dokumentu suporta sira ka bele mos envia direta sira nia materiál artes ne’e ba universidade ne’ebé sira atu aplika ba.
10. Kandidatu ne’ebé sei iha idade 18 mai kraik, tenke submete deklarasaun ”Authorization To The Guardian”  no aneksa kartaun identidade husi enkaregadu legál ne’ebé hela iha China no autentika orijinál husi Ministériu Justisa.
11. Fotokópia Foreign Physical Examination Form ne’ebé taka ho fotográfia koloridu ho medida 3×4 fundu mutin; formuláriu ne’e tenke assinadu no tau karimbu ofisiál husi doutór/mediku husi HNGV.

Nota katak:

• Bainhira atu submete aplikasaun, tenke hatudu orijinál Foreign Physical Examination Form ba UPC-MESCC no aplikante tenke rai nia orijinál no submete ba Embaixada bainhira liu ona selesaun faze primeiru.
• Foreign Physical Examination Form tenke aneksa ho Atestadu Mediku no rezultadu analiza ka teste saúde kompletu (Chest X-ray report, ECC, test report of AIDS, Syphilis, Hepatitis) husi HNGV ne’ebé validu fulan 6 ba oin.
• Fotográfia 3×4 koloridu ne’ebé taka iha Foreign Physical Examination Form (pajina 1)tenke tau karimbu orijinál HNGV. Tenke iha mos asinatura no karimbu ofisiál husi HNGV (pajina 2). Bainhira laiha karimbu orijinál husi HNGV mak dokumentu konsidera invalidu.
• Foreign Physical Examination Form bele download iha http://tl.china-embassy.gov.cn/eng/xwdt/202311/P020231106378801476390.pdf

1.  Fotokópia Buletim Rejistu Kriminál (Non-Criminal Record Report) iha lian Ingléz no autentika/notariadu orijinál husi Ministériu Justisa
2. Fotokópia Sertidaun RDTL iha lian Inglês no autentika/notariadu orijinál husi Ministeriu Justisa.
3.  Fotokópia Kartaun Eleitorál no Billete Identidade aplikante nian
4.  Fotokópia Kartaun Eleitorál inan-aman husi aplikante
5.  Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma ka governu Timor-Leste no devidamente kandidatu rasik mak asina.

PROSESU KANDIDATURA

• Atu hatene informasaun klaru bele vizita:
• Website ofisiál ”CSC Study in China” http://www.campuschina.org/
• Website ofisiál Embaixada China iha Timor Leste: http://tl.china-embassy.gov.cn/eng/xwdt/202311/t20231106_11174324.htm
• Website MESCC https://mescc.gov.tl ka pájina facebook ofisiál MESCC nian ka bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian.
• Bolsu estudu ne’e sei halo Registrasaun online deit iha http://www.campuschina.org/
• Presiza halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.
• Bainhira kandidatu halo ona aplikasaun on-line, mak kandidatu sei hetan file formatu pdf Formuláriu Aplikasaun on-line Chinese Government Scholarship aneksa ho dokumentu hotu husi númeru 2-16 tau iha envelope A4 (exemplar 2 mak orijinál 1 no kopia 1). Dokumentu tenki tau ordenadu tuir númeru kritéria (1-16).
• Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei la konsidera (ka invalidu).

KALENDÁRIU BA KANDIDATURA NIAN

• 07 Novembru – 22 Novembru 2024: Publikasaun vaga no Rejistu on-line iha website http://www.campuschina.org/ hodi bele hetan formuláriu ho formatu pdf Chinese Government Scholarship (dokumentu númeru 1)
• 25 Novembru – 06 Dezembru 2024: Submete dokumentu aplikasaun (fíziku) mai UPK-MESSK
• 09 – 13 Dezembru 2024: Selesaun Dokumentu iha UPK-MESSK
• 16 – 17 Dezembru 2024: Pedidu Aprovasaun Lista Kandidatu Rekomendadu ba Sua Exsia. MESSK molok submete ba Embaixada China iha Dili.
• 18 – 19 Dezembru 2024: Submisaun Dokumentu Kandidatu Rekomendadu ba Embaixada China iha Dili, hodi kontinua selesaun kandidatu ba faze entrevista nian.

Mak nee deit, Ba ita boot sira nia atensaun ami hato’o, obrigadu wain

Dili, 06 Novembru 2024

Paulo Mariano

Koordenador UPC