𝐇𝐀𝐋𝐎 𝐓𝐄𝐒𝐓𝐄 𝐏𝐈𝐋𝐄 𝐂𝐀𝐏 𝐁𝐀 𝐏𝐑𝐎𝐉𝐄𝐓𝐔 𝐊𝐎𝐍𝐒𝐓𝐑𝐔𝐒𝐀𝐔𝐍 𝐄𝐃𝐈𝐅Í𝐒𝐈𝐔 𝐅𝐎𝐔𝐍 𝐈𝐏𝐁

Betano, 27-02-2024: Ekipa téknika Ministériu Ensinu Superiór, Siénsia no Kultura nian, hamutuk ho tékniku sira hosi Ajénsia Dezenvolvimentu Nasionál (ADN) no hosi Ministériu Obras Públika (MOP), halo teste PILE CAP ba projetu konstrusaun edifísiu foun Institutu Politékniku Betano (IPB), iha Betano, Munisípiu Manufahi.

Atividade ne’e nia objetivu atu halo teste PILE CAP ho tipu rua (2), hanesan kúbiku no silíndriku, ne’ebé uza iha projetu konstrusaun edifísiu foun IPB nian, nomós haree nia progresu implementasaun. Aleindé ne’e, ekipa ne’e mós halo inspesaun ba progresu servisu ne’ebé empreza konstrutora sira hala’o to’o agora.

Tuir empreza konstrutora ne’e nia relatóriu atuál, projetu ne’e atinje ona 64,4% hosi persentajen totál.

Atividade ne’e lidera hosi Diretór Jerál ba Planeamentu no Finansas, Sr. Hernâni Viterbo da Costa Soares, hamutuk ho ekipa téknika sira hosi MESSK, IPB, ADN, MOP no empreza responsavel ba konstrusaun no konsultoria nian.