𝐋𝐀𝐍𝐒𝐀𝐌𝐄𝐍𝐓𝐔 𝐃𝐈𝐒𝐓𝐑𝐈𝐁𝐔𝐈𝐒𝐀𝐔𝐍 𝐋𝐈𝐕𝐑𝐔 ´´𝐋𝐈𝐀𝐍 𝐑𝐀𝐌𝐀 𝐇𝐀𝐍𝐀“

Díli, Kinta-Feira, 16 Mais 2024: Ministériu Ensinu Supérior, Siénsia no Kultura, liuhusi Diresaun Jeral Ensinu Supérior no Siénsia, ne’ebé liderada husi Diretora Jeral, Sra. Maria Filomena Lay Guterres, realiza lansamentu ba distribuisaun Livru ´´Lian Rama Hana“, konaba lian no arte musikal etniku orijinal husi Atauru nian, ne’ebé mak realiza iha Sala reuniaun MESSK, Colmera, Dili.

Objetivu husi atividade ida ne’e, atu hodi distribuisaun Livru instituisaun Ensinu Supérior sira no mos Instituisaun Relevantes, atu hodi divulga konteudu no informaban ne’ebé mak hakreek iha livru ida ne’e, ne’ebé mak hannesen resultadu peskiza kona-ba etnolojia lian materna no arte orijinal nativa husi Atauru nian.

Livru ´´Lian Rama Hana“ ne’e rasik halo ho kooperasaun entre Ajensia Nasional Peskiza husi Fransa ho Timor-Leste, ne’ebé mak realiza peskiza iha ila Atauru, ho nia alvu peskiza nian mai husi lian Materna sira ne’ebé existe iha Atauru.

Ho resultadu peskiza ida ne’e, sai hanesan meius prezervasaun ba patrimonio kultural Timor-Leste nian, prinsipalmente patrimoniu ba Ilha Atauro nian.