February 24, 2024

MESSK PARTISIPA IHA REUNIAUN KONSELLU MINISTRUS

Sua Exelénsia Ministru Ensinu Superiór, Siénsia no Kultura (MESSK), Longuinhos dos Santos, partisipa oha eniaun Konsellu Ministrus ne’ebé lidera husi S. Exa. Vise-Primeiru-Ministru José Maria dos Reis, iha Palásiu Governu.Konsellu Ministrus aprova ona projetu Rezolusaun Governu nian, ne’ebé mak aprezenta husi Ministru Ensinu Superiór, Siénsia no Kultura, kona-ba definisaun montante orsamentu kona-ba kompensasaun ba família sira afetadu husi implementasaun projetu konstrusaun Institutu Politékniku Betanu nian, iha Manufahi.

Montante másimu ne ‘ebé prevee iha tabela aneksu iha Rezolusaun Governu nian ne’e ho montante oin-oin hanesan tipu konstrusaun/edifisiu, kultura agríkola (Ai-horis) no sasan sira seluk ne’ebé iha ligasaun ho projetu konstrusaun Institutu Politékniku Betanu nian.

Aprova mós projetu ida kona-ba Rezolusaun Governu nian kona-ba alterasaun dahuluk ba Rezolusaun Governu nian n.º 36/2022, loron 28 fulan-dezembru, kona-ba nomeasaun ba membru sira Konsellu Jerál Universidade Nasionál Timor Lorosa’e (UNTL) nian. Alterasaun refere fó mós kna’ar ka nomeasaun ba Sr. João Baptista Fernandes Alves, sai nu’udar PrezidenteKonsellu Jerál UNTL nian, hanesan ema ho rekoñesimentu por méritu iha setór privadu.

0Shares