July 25, 2024

MESSK Partisipa Iha Promosaun Anuál Komisaun Nasionál Timor-Leste ba UNESCO Iha Munisípiu Aileu

S. Exa. Ministru Ensinu Superiór, Siénsia no Kultura (MESSK), Longuinhos dos Santos, partisipa iha abertura Semináriu no Espozisaun ba Promosaun Anuál Komisaun Nasionál Timor-Leste ba UNESCO (KNTLU) ho tema “Promove Edukasaun, Siénsia, Kultura no Komunikasaun”, iha Munisípiu Aileu.Iha abertura, Sr. Ministru salienta katak “realizasaun Semináriu no Espozisaun ida-ne’e importante tebes atu KN-UNESCO halo refleksaun ida kona-ba rezultadu sira ne’ebé alkansa ona no dezafiu, konstranjimentu sira ne’ebé daudauk hasoru hela, ho objetivu hadi’ak efikásia no efisiénsia ba implementasaun atividade sira iha tinan 2022”. Iha oportunidade ida-ne’e, Sr. Ministru mós agradese ba servisu ne’ebé Komisaun ba Patrimóniu Kulturál Imateriál (PKI) hala’o, ne’ebé hetan rezultadu pozitivu tebes tamba, iha loron-14 fulan dezembru tinan 2021, UNESCO Paris klasifika tiha ona Tais Timor-Leste nu’udar Patrimóniu Imateriál ba Umanidade ne’ebé tenke salvaguarda lalais.Programa ida-ne’e hala’o iha Salaun Veteranus Munisípiu Aileu no hetan partisipasaun husi Adjuntu Administradór Munisípiu Aileu, Autoridade Lokál, reprezentante Komandante PNTL Munisípiu Aileu, Diretor-Jerál Arte no Kultura hanesan Prezidente Komisaun Patrimóniu Kulturál Imateriál (PKI), Sekretáriu Ezekutivu KNTLU no Estudante Sekundáriu sira.

0Shares