March 3, 2024

MESSK no SEAK Partisipa Iha Audiénsia Públika ho Komisaun G Parlamentu Nasional

S. Exa. Ministru Ensinu Superiór, Siénsia no Kultura, (MESSK), Longuinhos dos Santos, no S. Exa. Sekretáriu Estadu Arte no Kultura, (SEAK), Teófilo Caldas, akompaña husi dirijente sira husi Ministériu nian, hala’o audiénsia públika ho Deputadu sira husi Komisaun G Parlamentu Nasionál, ne’ebé lidera husi Prezidente Komisaun ne’e rasik, Deputadu António Verdial.Objetivu husi sorumutuk ne’e, hodi aprezenta pontu situasaun kona-ba implementasaun programa no orsamentu iha tinan 2021, no mós hodi halo aprezentasaun kona-ba proposta OJE 2022 ba Ministériu Ensinu Superiór, Siénsia no Kultura nian.Relasiona ho atividade sira iha tinan 2021, S. Exa. Ministru informa katak taxa ezekusaun orsamentu hodi assegura atividade hirak ne’e, to’o final fulan outubru, atinji tiha ona 72%. Kona-ba proposta OJE 2022, S. Exa. Ministru aprezenta mós prioridade sira ne’ebé mak atu implementa no halo explikasaun detalladu ba orsamentu ho montante hamutuk $5.186.739 hodi bele realiza atividade sira ne’ebé refere. Ekipa ne’ebé akompaña S. Exa. MESSK no S. Exa. SEAK kompostu husi Diretor-Jerál Administrasaun no Finansas, Diretora-Jerál Ensinu Superiór no Siénsia, Diretor-Jerál Arte no Kultura, Inspetór-Jerál, Diretór Ezekutivu FDCH, Sekretáriu Ezekutivu KN-UNESCO, Koordenadora UCAE no Asesór sira.

0Shares