MESSK HALA’O SORUMOTU HO INSTITUISAUN RELEVANTE SIRA NE’EBÉ ENVOLVE IHA PROSESU ASESU ENSINU SUPERIOR PÚBLIKU BA IHA TINAN AKADÉMIKU 2020

DÍLI, KINTA, 30 JANEIRU 2020: S. Exa. Ministru Ensinu Superiór, Siénsia no Kultura (MESSK), Sr. Longuinhos dos Santos, hala’o sorumotu ida ne’e ho objetivu atu agradese ba koperasaun no mós rona hanoin husi reprezentante instituisaun relevante sira, hanesan UNTL, IPB, Komisaun Omenájen, SEJD, ADTL, MEJD no PNTL, kona-ba prosesu Asesu Ensinu Superiór Públiku ba iha tinan akadémiku 2020, antes halo divulgasaun ba rezultadu.

Iha sorumotu ida ne’e, reprezentante husi insitutisaun sira fó apresiaun pozitivu ba prosesu tomak, ne’ebé mak Comissão de Acesso ao Ensino Superior (CAES) hala’o ho dia’k.