by 
Segunda-Feira, 20 novembru 2023: Ekipa hosi Diresaun Nasionál Siénsia no Teknolojia (DNCT), Ministériu Ensinu Superiór, Siénsia no Kultura, realiza formasaun kona-ba ´´Sistema Baze Dadus Ensinu Superiór Foun“, nian ba funsionáriu sira hosi MESSK, iha Sentru Formasaun Profisionál Tibar, Munisípiu Likisá.
Formasaun refere oferese hosi Tékniku sira Dezenvolve Sistema Baze Dadus nian hosi, Fakuldade Enjeñaria – UNTL, ne’ebé ho objetivu atu fó kapasitasaun no prepara tékniku sira atubele sai jestór ba Portál refere bainhira entrega ba Ministériu.
Sistema Baze Dadus Ensinu Superiór nian ne’e estabelese tanba Ministériu Ensinu Superiór, Siénsia no Kultura servisu hamutuk ho Universidade Nasional Timor Lorosa’e hodi haree ba sistema baze dadus sentrál ida ba iha Ensinu Superiór sira hotu iha territóriu nasionál. Formasaun refere loke ofisialmente hosi Diretora Jerál Ensinu Superiór no Siénsia (Interina), Sra. Amelia da Silva Araujo, no tuir planu atividade ne’e sei hala’o durante semana ida hahú hosi loron 20 to’o 25 novembru 2023 iha sentru formasaun ne’ebá.
#Media_MESCC
