by 
Díli, 20/09/2024: Ekipa Ministériu Ensinu Superiór, Siénsia no Kultura, ne’ebé mak kompostu husi Diresaun Jeral Ensinu Superior no Siénsia, no Unidade Parseria no Kooperasaun, halao sorumutu ho delegasuan husi Badan Riset da Inovasi Nasional (BRIN – Sigla Indonesia), iha salaun reuniaun MESSK, Colmera Díli.
Sorumutu refere, atu hodi rekolla informasuan kona-ba politika Governu Timor-Leste nian liuhusi Ministériu Ensinu Superiór, Siénsia no Kultura, iha area Siénsia no Teknolojia nian, liu-liu dezenvolvimentu peskiza no inovasaun ba iha Instituisaun Ensinu Superiór Publiku no Privadu sira iha Timor-Leste.
Aleinde ne’e, objetivu prinsipal maka atu kolia kona-ba oferta sira ne’ebé mak sei oferese husi BRIN ba Governu Timor-leste liuhusi Ministériu, mak hanesan oferta apoio ba Instituisaun Ensinu Superiór Timor-Leste nian, iha area hirak ne’ebé mak mensiona iha leten.
Hola parte iha sorumutu ida ne’e, Diretor Nasional Kurikulu Ensinu Superiór, Sr. Alcino Barreto, Coordenador UPC, Sr. Paulo Mariano, hamutuk ho tékniku sira husi MESSK, no delegasaun husi BRIN nian ne’ebé mak kompostu husi, Director of Directorate of Talent Management, National Research and Innovation Agency Republic of Indonesia (BRIN), Sr. Dr. Raden Arthur Ario Lelono, Deputy Siénsia no Teknolojia – BRIN, Sr. Edy Giri Rachman Putra ho nia ekipa sira seluk.
