June 14, 2024

Distribui Motorizada ba Funsionáriu sira MESSK ne’ebé destaka iha Munispiu Sira

Diresaun Nasionál Finansas Lojístika no Patrimóniu (DNFALP) husi Ministériu Ensinu Superior Siénsia no Kultura (MESSK) fahe motorizada 6 ba funsionáriu sira ne’ebé deskata iha munisípiu. Atividade ne’e, hala’o iha Edifísiu Ministeriu nian, Colmera Díli, no Xefe Departamentu Lojístika no Patrimóniu, Sr. Paulo Mariano mak lidera.

Programa ne’e hanesan rezultadu husi programa fiskalizasaun ne’ebé mak hala’o iha fulan hirak liu ba, hodi responde funsionáriu sira-nia nesesidade atu fasilita liu tan sira-nia serbisu iha baze.

Motorizada ne’e rasik, oferese ba funsionáriu ne’ebé mak maihusi munisípiu 6. Sira nu’udar funsionáriu husi Sekretáriu Estadu Arte no Kultura ne’ebé mak servisu iha munisipiu sira-ne’ebá.

Iha biban ida-ne’e mós, Diretór DNFALP, Sr. Droaldo F. Morais no Inspetór Jerál MESSK, Sr. Higino Alves halo diseminasaun kona-ba informasaun ne’ebé liga ho regra no utilizasaun ba patrimóniu.

Atividade ne’e, hetan partisipasaun husi, reprezentante husi SEAK no hetan partisipasaun másimu husi funsionariu sira MESSK ne’ebé maihusi Munisípiu sira-ne’e rasik.

0Shares