AVIZU-PROGRAMA REKOLLA DADUS HOSI BENEFISIARIU BOLSA ESTUDU KOMPLETU MINISTÉRIU ENSINU SUPERIÓR, SIÉNSIA NO KULTURA (MESSK) TIMOR LESTE NIAN

Ministériu Ensinu Superiór, Siénsia no Kultura (MESSK) liuhusi Unidade Koordenasaun ba Apoiu Estudante (UKAE) informa ba estudante eis-bolseiru sira ne’ebé mak nu’udar benefisiáriu husi programa bolsa estudu kompletu Ministériu Ensinu Superiór, Siénsia no Kultura Timor Leste nian, no ramata ona estudu.

UKAE-MESSK presiza atualiza baze dadus husi benefisiáriu bolsa kompletu MESSK Timor- Leste nian, ne’ebé mak rekruta hahú husi husi tinan-2009 to’o 2016 liuhusi konkursu públiku tuir ámbitu rua hanesan:

– Konkursu públiku tuir ámbitu dekretu-Lei N◦ 30/2008, 13 Agostu ”Rejime Atribuisaun Bolsa Estudo iha Estranjeiru”

– Konkursu públiku tuir ámbitu dekretu Lei N.º 12/2009, 18 fevereiru ”Rejime Kapasitasaun  Rekursu Umanu iha Funsaun Públika”

UKAE-MESSK husu ba estudante benefisiáriu sira bolsa estudu kompletu husi MESSK Timor-Leste nian, ne’ebe temi ona iha leten atu bele vizita iha link  ne’e https://forms.gle/j6TnyJMHLgZEzoFJ8 , hodi bele preenxe formuláriu online, ho objetivu atu hatene-tuir paradeiru benefisiáriu sira nian, hodi kompleta baze dadus iha UKAE-MESSK no buka-hatene rezultadu husi programa bolsa estudu ne’e rasik.