March 3, 2024

AVIZU – BOLSA ESTUDU FUNDASAUN MACAU 2024/2025

Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC) informa ba públiku katak Fundasaun Macau liu husi programa Macao Foundation Scholarship For Asian Students 2024/2025 oferese bolsa estudu ba Timoroan nain hitu (7) ne’ebé iha kualifikadu akadémika atu kontinua estudu iha nível estudu Lisensiatura (Bachelor’s Program), iha instituisaun ensinu superiór tolu iha Macau mak hanesan: University of Macau, Macao Polytechnic Institute, Macao Institute for Tourism Studies.

KRITERIA ELIJIBILIDADE

  1. Tenki sidadaun Timor-Leste no Rezidénsia iha Timor-Leste;
  2. Idade mínimu tinan 17 no másimu 25;
  3. Iha kondisaun saúde ne’ebé permite atu halo estudu iha rai-li’ur;
  4. Iha maturidade no kapasidade atu hala’o moris independente iha rai-li’ur;
  5. La iha rejistu kriminál husi tribunál kontra kandidatu;
  6. Konkluzaun nível ensinu sekundáriu ka ensinu tékniku vokasionál ka ekivalente;
  7. Kandidatu tenki iha performansia akadémika ne’ebé iha kualifikasaun ba Melhores Estudantes) ka iha valor média husi diploma minimu tenki 8.0; aprezenta diploma originál;
  8. Kandidatu iha abilidade kompreende, koalia no hakerek iha lian Ingléz no aprezenta sertifikadu IELTS minimu 6.0  ou TOEFL minimu 500 ou Internet-based test minimu 79.
  9. Kandidatu tenki aseita bolsa estudu no prontu ba eskola bainhira liu ona ba vaga bolsa estudu husi Fundasaun Macau;
  10. Hetan ona Karta Aseitasaun (Letter of Acceptance) husi universidade

DOKUMENTU APLIKASAUN

  1. Karta Aseitasaun (Letter of Acceptance) no Formuláriu Aplikasaun ne’ebé emprime ona, hafoin priense formuláriu no submete dokumentu aplikasaun liuhusi on-line no pagamentu kustu rejistrasaun nian, entre ida husi universidade tolu ne’ebé temi iha leten, ho área estudu preferénsia ne’ebé disponivél;
  2. Kópia Diploma konkluzaun Ensinu Sekundáriu akompaña ho tradusaun iha lian Ingléz no tenki legalizadu husi Ministériu Edukasaun;
  3. Kópia Notas Exame Reál akompaña ho tradusaun iha lingua Ingléz no tenki legalizadu husi Ministériu Edukasaun;
  4. Kópia Kaderneta Eskolár Ensinu Sekundáriu nian sira hotu husi 10.º, 11.º to’o 12.º akompaña ho tradusaun iha lingua Ingléz no tenki legalizadu husi Ministériu Edukasaun;
  5. Kópia sertifikadu kursu lian Ingléz husi IELTS (validu) ou TOEFL;
  6. Kópia Sertidaun RDTL akompaña ho tradusaun iha lian Ingléz no autentikadu husi Ministériu Justisa;
  7. Kópia Sertifikadu Rejistu Kriminál akompaña ho tradusaun iha lian Ingléz no legalizada husi Ministériu Justisa;
  8. Kópia Bilete Identidade no pájina identifikasaun Passaporte RDTL ho validade mínimu tinan 5 husi loron aplikasaun;
  9. Kópia Kartaun Eleitorál inan-aman husi aplikante;
  10. Kopia Sertifikadu Vasinasaun kontra Febre-Amarelha husi HNGV (kópia 1); (bainhira liu ona bolsa);
  11. Atestadu Médiku (Rezultadu Análiza Serolójia) husi doutór husi HNGV; (bainhira liu ona bolsa);
  12. Deklarasaun kompromisu asina husi estudante ho nia títulu “Declaração Aceita a Bolsa de Estudo de Fundação Macau”, ne’ebé kompromete aseita bolsa estudu no prontu atu ba eskola. (asinatura orijinál no uja lian Portugéz); (bainhira liu ona bolsa);

PROSESU NO KALENDÁRIU BA KANDIDATURA

  • 22 Janeiru – 30 Juñu 2024: Publikasaun vaga no Rejistu on-line iha website ofisiál husi ensinu superiór tolu refere.

Inskrisaun sei halo liuhusi on-line iha website ofisiál husi ensinu superiór tolu refere no tenke submete dokumentu aplikasaun sira no SELU TAXA inskrisaun iha tempu aplikasaun, tuir kritéria husi lnstitusaun hirak ne’e:

  1. University of Macau (Lisensiatura) iha www.umac.mo ka iha https://reg.um.edu.mo/admissions/nonlocal/others-regions/app-adm-rules/; Periodu Aplikasaun hahú iha loron 30 Janeiru – 05 Abril 2024 
  2. Macao Polytechnic Institute (Lisensiatura) iha www.ipm.edu.mo ka iha https://www.mpu.edu.mo/admission_overseas/en/prospectus.php ; Periodu Aplikasaun hahú iha loron 02 Janeiru – 15 Juñu 2024
  3. Institute for Tourism Studies (Lisensiatura) iha www.iftm.edu.mo ka iha https://www.mpu.edu.mo/admission_overseas/en/prospectus.php ; Periodu Aplikasaun hahú iha loron 09 Outubru 2023 – 30 Juñu 2024
  4. 01 Jullu – 23 Agostu 2024: Submete dokumentu aplikasaun orijinál exemplár 1 (fíziku) mai UPC-MESCC bainhira halo ona rejistu on-line iha link: https://forms.gle/NY69PMs3sXF1sVzR7 ka Scan-me iha QRCode
  5. 26 – 27 Agostu 2024: Pedidu Aprovasaun Lista Kandidatu Rekomendadu ba Sua Exelénsia Sr. Ministu Ensinu Superiór, Siénsia no Kultura molok submete ba Fundasaun Macau.
  6. 28 – 29 Agostu 2024: Submisaun Dokumentu Kandidatu Rekomendadu ba Fundasaun Macau hodi kontinua selesaun kandidatu ba faze ikus nian.

BA INFORMASAUN DETALLA

  • Bele mai diretamente haree iha Departamentu Bolsa Estudu – UPC, MESCC nian iha Avenida Marginal No. 4 Colmera, Vera Cruz – Dili, Timor Leste, iha oras servisu nian no hatudu dokumentu orijinál tuir rekezitu sira iha leten.

Mak nee deit, ba ita boot sira nia atensaun ami hato’o, obrigadu wain

0Shares