𝐌𝐄𝐒𝐒𝐊 𝐒𝐈𝐌𝐔 𝐕𝐈𝐙𝐈𝐓𝐀 𝐊𝐎𝐑𝐓𝐄𝐙𝐈𝐀 𝐇𝐎𝐒𝐈 𝐁𝐎𝐁 𝐀𝐔𝐁𝐑𝐄𝐘 𝐀𝐒𝐒𝐎𝐂𝐈𝐀𝐓𝐄𝐒 𝐇𝐎𝐒𝐈 𝐒𝐈𝐍𝐆𝐀𝐏𝐔𝐑𝐀

𝐃𝐈́𝐋𝐈,𝟎𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟑 – S.E. Ministru Ensinu Superior, Siénsia no Kultura,𝐃𝐫. 𝐉𝐨𝐬𝐞́ 𝐇𝐨𝐧𝐨́𝐫𝐢𝐨 𝐃𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫𝐨́𝐧𝐢𝐦𝐨, simu vizita kortezia husi diretór Jestaun Bob Aubrey Associates 𝐒𝐫. 𝐁𝐨𝐛 𝐀𝐮𝐛𝐫𝐞𝐲, ne’ebé akompaña hosi S.E. Sekretáriu Estadu Komunikasaun Sosiál,𝐒𝐫.𝐄𝐱𝐩𝐞𝐝𝐢𝐭𝐨 𝐃𝐢𝐚𝐬 𝐗𝐢𝐦𝐞𝐧𝐞𝐬, iha MESSK Kolmera.(04/09/23)

Iha sorumutuk ida ne’e,𝐒𝐫. 𝐁𝐨𝐛 𝐀𝐮𝐛𝐫𝐞𝐲 ho S.E. Ministru Ensinu Superior Koalia kona-ba importánsia hosi dezenvolvimentu kapitál umanu ba Timor-Leste hodi prepara rekursu umanu ba futuru,. Ho nune’e, 𝐒𝐫. 𝐁𝐨𝐛 𝐀𝐮𝐛𝐫𝐞𝐲 mós hato’o asuntu pontu tolu importante ba S. E. Ministru Ensinu Superiór, liu-liu kona-ba (1) lisensiatura iha área “Internationál Business”, ne’ebé sei fornese liuhosi Asean University Network; (2) lisensiatura sustentabilidade ne’ebé sei oferese hosi Universidade Gajah Mada; no (3) lisensiatura ba area Dezenvolvimentu Kapitál Umanu sei oferese hosi Universidade Malaya hosi Malaysia.

Rona Tiha asuntu Hirak ne’e, S. E. Ministru Ensinu Superiór agradese tebes ba vizita hosi 𝐒𝐫.𝐀𝐮𝐛𝐫𝐞𝐲 no informa mos katak fo apoiu ba pontu hirak ne’ebé hato’o ona, tamba pontu hirak ne’e importante teb-tebes atu nune’e bele kapasita rekursu umanu ne’ebe di’ak iha Timor-Leste.