𝐒𝐎𝐑𝐔𝐌𝐔𝐓𝐔 𝐇𝐎 𝐄𝐊𝐈𝐏𝐀 𝐇𝐔𝐒𝐈 𝐈𝐍𝐒𝐓𝐈𝐓𝐔𝐓𝐎 𝐂𝐀𝐌Õ𝐄𝐒 𝐍𝐎 𝐄𝐌𝐁𝐀𝐈𝐗𝐀𝐃𝐀 𝐏𝐎𝐑𝐓𝐔𝐆𝐀𝐋

Díli, 08/05/2024: Ekipa tekniku husi Ministériu Ensinu Supérior, Siénsia no Kultura, ne’ebé kompostu husi Diretor Jeral nain rua (2), Xefe gabinete Ministru MESSK, teknikus husi parseria kooperasaun MESSK, halo sorumutu ho ekipa husi Instituto Camões ho nia reprezentantes sira hamutuk ho S. Exa. Embaixadora Portugal ba Timor-Leste, hodi koalia kona-ba area kooperasaun ne’ebé mak MESSK halo ona hamutuk ho Institutu Camões nian.

Iha Sesaun sorumutu ida ne’e, ekipa sira diskute kona-ba ofertas áreas sira ne’ebé mak existe ona entre Instituisaun rua ne’e nian, liu-liu iha area kapasitasaun rekursu umanu nian, hanesan programa bolso de estudu ne’ebé mak oferese husi Instituto Camões no programas sira ne’ebé ho nia fins hodi promove lian Portugues ba Timor-Leste.

Portanto, Instituto Camões rasik, antes ne’e iha ona kooperasaun hodi oferese programa bolso estudu ne’ebé kada tinan oferese ba Timor oan sira ne’ebé mak iha meritu no hakarak atu kontinua sira nia estudu iha Portugal, no mos area sira seluk ne’ebé maka oferese formasaun liana tu reforsa kapasitasaun ba lian português nian iha Timor.

Sorumutu ne’e lidera husi Diretora Jeral Ensinu Supérior, Sra. Maria Filomena Lay Guterres, akompaña husi Diretor Jeral Planemanetu no Finansas, Sr. Hernâni Viterbo da Costa Soares, Xefe Gabinete Ministru MESSK, Sr. José Boavida Simões, ho tekniku sira husi MESSK,hamutuk ho S. Exa. Embaixadora Portugal ba Timor-Leste, Dra. Manuela Bairros, Vise Preziedente Institutu Camões, Dr. Ricardo Victoria ho nia teknikus sira.