𝐒𝐎𝐑𝐔𝐌𝐔𝐓𝐔 𝐄𝐊𝐈𝐏𝐀 𝐊𝐔𝐈𝐒 𝐊𝐎𝐍𝐀-𝐁𝐀 𝐒𝐔𝐁𝐕𝐄𝐍𝐒𝐀𝐔𝐍 𝐏𝐔𝐁𝐋𝐈𝐊𝐀 𝐈𝐄𝐒 𝐏𝐑𝐈𝐕𝐀𝐃𝐔

Díli, 10/05/2024: Komisaun Kordenadora Universidade e Instituisaun Ensinu Supérior (CUIS – Sigla portugés), lideradu husi Diretor Jeral Ensinu Supérior no Siénsia, Sra. Maria Filomena Lay Guterres, realiza sorumutu ho ekipa sira, iha salaun MESSK hodi diskuti kona-ba prosedimentus teknikus sira ligadu ho fundu subvensaun publikas ne’ebé mak sei atribui ba Instituisaun Ensinu Supérior Privadu sira.

Sorumutu ne’e ekipa halo diskusaun ba kestaun teknikus no nia medidas sira ne’ebé mak sei vigora ba iha prossesu de ezekusaun fundus subvensaun publika ne’e rasik, atu hodi bele garantia efisiensia no efetividade husi prossesu ezekusaun nian rasik, liu-liu ba iha prosesu adminitrastivas sira karik mosu alterasun ruma ou mudansas ruma iha prossesu laran.

Portanto antes ne’e, iha loron hirak liu ba, CUIS rasik mos halo ona sorumutu ho Magnifikus reitores sira husi Instituisaun Ensinu Supérior Privadu sira, hodi atribui pakote ne’ebé mak sei oferese ba iha kada Instituisaun tuir proposta ne’ebé mak sira iha.

Orasmentu subvensaun publikas ida ne’e rasik hetan ona aprovasaun husi S. Exa. Primeiru ministru ne’ebé mak ho nia destinu sei, atribui ba iha Instituisaun Ensinu Supérior sira, hodi hadia sira nia kualidade, liuhusi áreas oi-oin ne’ebé mak konforme ba iha proposta ne’ebé sira nessesita.