𝐈𝐍𝐒𝐏𝐄𝐒𝐀𝐔𝐍 𝐑𝐄𝐆𝐔𝐋Á𝐑 𝐁𝐀 𝐏𝐑𝐎𝐆𝐑𝐄𝐒𝐔 𝐊𝐎𝐍𝐒𝐓𝐑𝐔𝐒𝐀𝐔𝐍 𝐄𝐃𝐈𝐅Í𝐒𝐈𝐔 𝐅𝐎𝐔𝐍 𝐈𝐏𝐁-𝐁𝐄𝐓𝐀𝐍𝐎

Betano, 8 fevereiru 2024: Ekipa Tekniku hosi Diresaun Jerál Planeamentu no Finansas, Ministériu Ensinu Superiór, Siénsia no Kultura, ne’ebé mak kompostu hosi enjeñeiru tékniku sira hamutuk ho ekipa hosi Institutu politékniku Betano, halo monitorizasaun, inspesaun no fiskalizasaun ba projetu konstrusaun edifísiu foun IPB, iha Betano, Manufahi.

Objetivu hosi vizita ida-ne’e atu halo inspesaun no monitorizasaun regularmente progresu servisu ne’ebé alkansa ona hosi kompañia konstrutora no hosi konsultór ba projetu konstrusaun edifísiu foun IPB nian ne’ebé mak daudaun ne’e hala’o hela.

Atulmente projetu ne’e atinji ona pursentu 47% (pursentu haat nulu resin-hitu). Iha vizita ida-ne’e, ekipa akompañadu hosi tékniku sira konstrutór no konsultór nian, nomós halo vistoria ba iha fatin konstrusaun hodi konfirma katak progresu ne’ebé atinje ona efetivu duni. Hodi bele rona mós esplikasaun konaba etapa sira ne’ebé mak sei realiza iha faze tuir mai projetu nian.

#mediaMESCC