by S. Exa. Ministru Ensinu Superiór, Siénsia no Kultura (MESSK), Longuinhos dos Santos, no S. Exa. Sekretáriu Arte no Kultura, Teófilo Caldas, partisipa iha serimónia lansamentu no hala’o asinatura kontratu ho benefisiáriu sira ne’ebé hala’o kna’ar iha esforsu Prezervasaun Uma Lulik, Grupu Indústria Kriativu Kulturál no mós Grupu Kulturál Komunitáriu sira. Serimónia ida-ne’e, S. Exa. MESSK fó agradesimentu ba ekipa Komisaun Subvensaun Públika ne’ebé konsege halo duni selesaun ba proposta Uma Lulik hamutuk 27 nomos Grupu Kulturál hamutuk 25.S. Exa. MESSK rekomenda ba grupu benefisiáriu sira katak, mesmu Governu apoiu uituan, importante mak ita hotu bele utiliza orsamentu atu promove ita-nia identidade kulturál no husu mós grupu benefisiáriu sira atu utiliza orsamentu ida ne’e ho responsabilidade no aprezenta relatóriu tuir kalendáriu ne’ebé mak iha. Serimónia ida-ne’e, hala’o iha salaun Ministériu Ensinu Superior, Siénsia no Kultura iha Kolmera, no hetan mós partisipasaun husi Membru Komisaun Subvensaun Públika.
