Díli, 07 Setembru 2026 — Ministériu Ensinu Superiór, Siénsia no Kultura (MESSK), liu-hosi Diresaun Nasionál Rekursu Umanu (DNRH), ofisiálmente realiza Programa Formasaun kona-ba Jestaun Finansas Públika, ho fóku ba utilizasaun sistema “Asset Module” ba funsionáriu sira MESSK, ne’ebé hala’o iha Salaun Institutu Superior Cristal (ISC), Díli, hahú hosi 07 to’o 11 Setembru 2026.
Programa formasaun ne’e iha objetivu atu hasa’e koñesimentu no kapasidade téknika funsionáriu sira iha área Jestaun Finansas Públika, liu-liu kona-ba utilizasaun efisiente no efetiva sistema “Asset Module” ba jestaun patrimóniu estadu nian.
Liu-hosi formasaun ida-ne’e, MESSK buka atu hametin transparénsia, responsabilidade, akontabilidade no efisiénsia iha prosesu jestaun no administrasaun patrimóniu públiku, tuir prinsípiu boa jestaun finanseira no administrasaun públika.
Programa ne’e ofisialmente loke hosi Xefe Gabinete Ministru, Sr. José Bóvida Simões, ne’ebé akompaña hosi Diretór-Jerál Planeamentu no Finansas, Sr. Trinito Sarmento, no dirijente nasionál sira seluk iha MESSK.
#MESSK
