BOLSA ESTUDU  BA PROGRAMA KOOPERASAUN KALINGA INSTITUTE Of INDUSTRIAL TECHNOLOGY (KIIT), INDIA TINAN AKADÉMIKU 2026/2027

Ministériu Ensinu Superiór, Siensia no Kultura (MESSK) Timor-Leste, liu husi Unidade Parseria no Kooperasaun (UPK) informa ba Públiku katak Governu India oferese Bolsa Estudu liu-husi KIIT University India Scholarship (KUISP) for International Student, loke programa Bolsa Estudu ba Nivel Lisensiatura no Nivel Mestradu ba Tinan Akadémiku 2026/2027.

1. KRITÉRIU ELIJIBILIDADE

Kandidatu tenki kumpre kriteriu sira tuir mai:

• Tenki iha kondisaun saúde (mentál no fíziku) ne’ebé permite atu halo estudu iha rai li’ur
• La iha rejistu ba kazu kriminál ka ezekusaun sivíl husi tribunál kontra kandidatu
• Kandidatu ba programa: Nível Mestradu ne’e ho idade 40 mai kraik, remata ona lisensiatura

Dokumentus ne’ebé presija mak :

1. Fotokópia Sertifikadu Sekundaria/ Ensinu Sekundariu ba Programa nivel lisensiatura (tenki legalizadu orijinál hosi Ministerio Edukasaun);
2. Fotokópia Diploma no Transkrisaun Akademika, ba Programa Mestradu (tenki legalizadu orijinál husi MESSK) ;
3. Fotokópia sertifikadu premio Akademika nian, karik iha;
4. Fotokópia Passaporte Valido mínimu tinan 2;
5. Sertidaun Moris RDTL;
6. Kartaun Eleitoral;
7. Boletim Registu Kriminal;
8. Fotokópia Sertifikadu kualifikasaun iha lian Inglésh
9. Atestadu Mediku husi HNGV
10. Karta rekomendasaun husi eskola anterior no husi fatin servisu, karik iha

2. PROSESU APLIKASAUN

• Oinsa aplika: kandidatu bele aplika ba Bolsa Estudu KIIT liuhusi Website internationaloffice@kiit.ac.in ou bele submete direta ba  https://international.kiit.ac.in.
• Livre taxa wainhira aplika
• Aplikasaun loke : husi 15^th Novembru 2025 to’o 15^th Novembru 2026

3. BENEFÍSIU BOLSA ESTUDU

1. Bolsa ne’e selu 100% Propinas ba periodu bolsa estudu tomak
2. Asesu ba Livru
3. Taxa Ezame ba kursu tomak nia durasaun;
4. Fasilidades Desportu
5. Asesu Internet gratuita durante  24h por semana
6. Tula iha Aeroportu bainhira to’o iha India
7. Asesu Gratuita ba Assosiasaun Estudante

4. KIIT sei la selu buat hirak tuir mai nee ka sei responsabiliza husi kandidatu rasik mak:

1. Billete aviaun Dili-India- Dili
2. Taxa Visa
3. Seguru Saude mediku
4. Kustu da vida no Alojamentu

https://mescc.gov.tl/wp-content/uploads/2026/06/Programa-Bolsa-Estudu-KIIT-MESCC-2026.pdf

Mak ne’e deit, Ba ita bo’ot sira nia atensaun ami hato’o, obrigadu wain