Ministério do Ensino Superior, Ciência e Cultura (MESCC) liu-hosi Unidade de Parceria e Cooperação (UPC), informa ba públiku katak Governo da Região Administrativa Especial de Macau, liu-hosi Fundasaun Macau oferesevaga bolsa estudu ho programa Estudantes de Países Lusófonos no Ano Letivo 2026/2027 ba Timor-oan ne’ebé iha kualifikadu akadémika atu kontinua estudu iha nível estudu Lisensiatura ualu(8) iha estabilesementu ensinu superiór sira iha Macau.
No mos bolsa estudu ida (1) ba estudante Pós-graduasaun internasionál sira ne’ebé prense rekezitu hosi instituisaun ensinu superiór iha Macau ho nia Prosesu Auto-rejistu ba iha link ofisiál Universidade nian.
KRITERIA ELIJIBILIDADE
- Tenki sidadaun Timor-Leste no rezidénsia iha Timor-Leste;
- Idade mínimu tinan 17 no másimu 25;
- Iha kondisaun saúde ne’ebé permite atu halo estudu iha rai-li’ur;
- Iha maturidade no kapasidade atu hala’o moris independente iha rai-li’ur;
- La iha rejistu kriminál husi tribunál kontra kandidatu;
- Konkluzaun nível ensinu sekundáriu ka ensinu tékniku vokasionál ka ekivalente;
- Kandidatu tenki iha performansia akadémika ne’ebé iha kualifikasaun ba Melhores Estudantes) ka iha valor média husi diploma minimu tenki 8.0; aprezenta diploma originál;
- Kandidatu iha abilidade kompreende, koalia no hakerek iha lian Ingléz no aprezenta sertifikadu IELTS minimu 6.0 ou TOEFL minimu 500 ou Internet-based test minimu 79.
- Kandidatu tenki aseita bolsa estudu no prontu ba eskola bainhira liu ona ba vaga bolsa estudu husi Fundasaun Macau;
- Hetan ona Karta Aseitasaun (Letter of Acceptance) hosi universidade ne’ebé aplika ba.
- Bainhira kandidatu halo ona aplikasaun online, mak kandidatu sei hetan file formatu pdf Karta Aseitasaun (Letter of Acceptance) no Formuláriu Aplikasaun, print-out no aneksa ho dokumentu hotu tau iha envelope A4 (exemplar 2 original 1 no kopia 1). Dokumentu tenki tau ordenadu tuir númeru kritéria.
- Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei la konsidera (ka invalidu)
- Ba estudante Pós-graduasaun internasionál sira ne’ebé tuir instituisaun ensinu superiór iha Macau, dokumentu sira sei submete direita ba iha Universidade ne’ebé aplika ba, Prazu entrega dokumentu sira iha loron 1 Juñu 2026 no 31 Agostu 2026.
DOKUMENTU APLIKASAUN
- Karta Aseitasaun (Letter of Acceptance) no Formuláriu Aplikasaun ne’ebé emprime ona, hafoin priense formuláriu no submete dokumentu aplikasaun liuhosi online no pagamentu kustu rejistrasaun nian, entre ida hosi universidade ne’ebé ita-boot sira hili, ho área estudu preferénsia ne’ebé disponivél; *(Important)*
- Kópia Diploma konkluzaun Ensinu Sekundáriu akompaña ho tradusaun iha lian Ingléz no tenki legalizadu husi Ministériu Edukasaun;
- Kópia Notas Exame Reál akompaña ho tradusaun iha lingua Ingléz no tenki legalizadu hosi Ministériu Edukasaun;
- Kópia Kaderneta Eskolár Ensinu Sekundáriu nian sira hotu hosi 10.º, 11.º to’o 12.º akompaña ho tradusaun iha lingua Ingléz no tenki legalizadu hosi Ministériu Edukasan;
- Kópia sertifikadu kursu lian Ingléz husi IELTS (validu) ou TOEFL, no mos certifikadu lian Portugés karik iha.
- Kópia Sertidaun RDTL akompaña ho tradusaun iha lian Ingléz no autentikadu hosi Ministériu Justisa;
- Kópia Sertifikadu Rejistu Kriminál akompaña ho tradusaun iha lian Ingléz no legalizada husi Ministériu Justisa;
- Kópia Bilete Identidade no pájina identifikasaun Passaporte RDTL ho validade mínimu tinan 5 husi loron aplikasaun;
- Kópia Kartaun Eleitorál inan-aman hosi aplikante;
- Kopia Sertifikadu Vasinasaun kontra Febre-Amarelha husi HNGV (kópia 1); (bainhira liu ona bolsa);
- Atestadu Médiku (Rezultadu Análiza Serolójia) hosi doutór husi HNGV; (bainhira liu ona bolsa);
- Deklarasaun kompromisu asina hosi estudante ho nia títulu “Declaração Aceita a Bolsa de Estudo de Fundação Macau”, ne’ebé kompromete aseita bolsa estudu no prontu atu ba eskola. (asinatura orijinál no uja lian Portugés); (bainhira liu ona bolsa);
PROSESU NO KALENDÁRIU BA KANDIDATURA
Inskrisaun sei halo liuhosi sistema online iha website ofisiál husi ensinu superiór sira no tenke submete dokumentu aplikasaun sira no SELU TAXA inskrisaun iha tempu aplikasaun, tuir kritéria husi lnstitusaun hirak ne’e:
(Bele vizita website/ link universidade sira nian iha okos, hodi asesu ba prosesu aplikasaun)
1. University of Macau
(Lisensiatura), Periodu aplikasaun to’o loron 9 Abril 2026. Sistema aplikasaun online; https://reg.um.edu.mo/admissions/nonlocal/others-regions/news/ no aplikante sira tenke kompleta aplikasaun online/ fornnese dokumentu akadémiku sira ne’ebé presija no mos selu aplikasaun (application fee) (MOP 300) antes loron ikus. Informasaun kompletu bele tama iha: https://reg.um.edu.mo/download/admission-other/UM_leaflet_ENG.pdf?_t=1704880113 no detalle aplikasaun nian bele hetan liu-hosi: https://reg.um.edu.mo/admissions/nonlocal/others-regions/app-adm-rules/ no resultadu oferta nian sei fo sai liu-hosi sistema aplikasaun online hahu iha fulan Juñu 2026.
2. Macao Polytechnic University
a. Lisensiatura https://www.mpu.edu.mo/en/students/scholarships_fellowships/undergraduate/scholarship-schemes Periodu Aplikasaun to’o loron 15 Juñu 2026,
b. Pós-Graduasaun https://www.mpu.edu.mo/en/students/scholarships_fellowships/fs_scholarships Periodu aplikasaun to’o 15 Maio 2026.
3. Macau University of Science and Technology
https://ugadmissions.must.edu.mo/index.html?nonlocal=en_US ou bele tama iha https://oas.must.edu.mo/admission/index2.htm
4. Univesidade Turismu de Macau (UTM)
Periodu aplikasaun taka (Deadline) iha dia 31 Maio 2026, link/website:Https: www.utm.edu.mo/iftadmission/financial-assitance-scholarship ou bele iha http://www.utm.edu.mo
5. University of Saint Joseph Macao
6. The Kiang Wu Nursing College of Macau
https://www2.kwnc.edu.mo/en/standard/scholarships_and_grants.html
KALENDÁRIU BA KANDIDATURA NIAN
- 04 Maio – 29 Maio 2026: Submete dokumentu aplikasaun orijinál exemplár 1 (fíziku) mai UPC-MESCC.
- 01 Juñu 2026: Aprezenta Lista Kandidatu Rekomendadu ba Fundasaun Macau.
- 01 Juñu ka 31 Agostu 2026: Submisaun Dokumentu Kandidatu Rekomendadu ba Fundasaun Macau hodi kontinua selesaun kandidatu ba faze ikus nian.
BA INFORMASAUN DETALLA
- Website MESCC https://mescc.gov.tl ka pájina facebook ofisiál MESCC nian ka bele mai diretamente iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
- Fundação Macau: https://www.fmac.org.mo/pt/scholarship/7
Mak ne’e deit, ba ita bo’ot sira nia atensaun ami hato’o, obrigadu wain
