MESSK HALA’O REUNIAUN HO REPREZENTANTE INSTITUISAUN ENSINU SUPERIOR KONA-BA PREVENSAUN NO KOMBATE ASÉDIU SEXUÁL

Dili, 05-02-2025: Ministériu Ensinu Superior, Siénsia no Kultura (MESSK), lidera husi Diretora- Jerál Ensinu Superior no Siénsia, Sra. Filomena Lay Guterres, akompaña husi Diretora JU’S, Sra. Bárbara Oliveira, hanesan instituisaun parseira husi UN-WOMEN, hala’o reuniaun hamutuk reprezentante husi Instituisaun Ensinu Superior (IES) Publiku no Privadu sira hamutuk sanulu resin neen (16) hodi ko’alia kona-ba implementasaun mekanismu ba prevensaun no kombate Asédiu Sexuál, liu-liu:

1. Garante asesu ba material ne’ebé publika no distribui ona;
2. Orientasaun ba estudante;
3. Distribuisaun Materiál Sosializasaun;
4. Formasaun ba Pontu Fokal Estabelesimentu ensinu superior, ne’ebé mak halo orientasaun ba estudante sira.

Iha ninia intervensaun, Diretora-Jerál Ensinu Superiór no Siénsia hato’o katak programa ne’e hanesan baze ida atu bele haforsa, implementa no regula kestaun prevensaun no kombate Asédiu Sexuál iha IES, no mós Minstériu Ensinu Superior sei monitoriza atividade sira ba programa ne’e. Iha mós konkordánsia katak sei implementa formasaun ba Pontu Fokál husi Estabelesimentu Ensinu Superior iha loron-14, fulan-Fevereiru.

#media_urp-meskk