UNIVERSIDADE SOEUL OFERESE BOLSA ESTUDU KOMPLETU BA NIVÉL MASTERADU, HO AREA ESTUDU ADMNISTRASAUN NO PLANEAMENTU URBANU.

Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC) informa ba públiku katak Repúblika Korea do Súl liu husi Universidade Seoul, ho nia programa “Seoul City’s Full Scholarship Master’s Program for Civil Servants” oferese bolsu estudu kompletu ba Timor oan hotu, liu-liu ba Funsionáriu Públiku sira hodi kontinua estudu iha Universidade Seoul ( Korea do Súl ) nivel “ Mestradu  ho  area estudu Administrasaun no Planeamentu Urbanu (The master of Urban Administration and Planning (MUAP))”.

KUALIFIKASAUN / KRITERIA ELIJIBILIDADE

• Tenki sidadaun Timorense.
• Tenki iha kondisaun saúde (mentál no fíziku) ne’ebé permite atu halo estudu iha rai li’ur, La ho kondisaun grávida espesifikamente ba kandidatu feto sira (komprova ho Atestadu Médiku).
• Tenki iha maturidade no kapasidade atu halao moris independente iha rai li’ur.
• La iha rejistu ba kazu kriminál ka ezekusaun sivíl husi tribunál kontra kandidatu.
• Idade másimu ba aplikante mak 40 anos.
• Funsionáriu Públiku husi Institutu Públiku sira ne’ebé iha ona esperensia servisu relevansia ho área estudu, no iha esperiénsia Servisu liu tinan 3(tolu).
• Graduadu sira husi fakuldade ka sira ne’ebé ho lisensiatura ekivalente ho area relevantes.

DOKUMENTU APLIKASAUN

1. Priense kompletu Formulariu Aplikasaun online/Application Online Form.
2. Foto tahan rua (2) ho medida 3.5×4.5cm (koloridu ho kotuk mutin/background mutin)
3. Curriculum Vitae (CV)
4. Fotokópia pajina identifikasaun Passaporte RDTL validu no autentika orijinál husi Ministériu Justisa. (Passaporte ne’ebé validade ).
5. Fotokópia Diploma no Transkrisaun Akademika, lisensiatura akompaña ho tradusaun iha lian Ingléz (tenki legalizadu orijinál husi MESCC)
6. Aplikante sira tenke iha koñesimentu exelente ba lian Inglés ko’alia no eskrita.Komprova ho Sertifikadu kualifikasaun iha lian Ingléz hanesan TEOFL ho valor 530, TOEFL (CBT) ho valor 197 no TOEFL (IBT)  ho valor 71, IELTS ho valor 5.5 CEFR B2, TEPS 600
7. Fotokópia Sertifikadu Kursu Lian Korea ( karik iha ).
8. Karta Rekomendasaun rua (iha lian Ingléz) husi Ministériu ka Agensia no Organizasaun sira.
9. Priense Medical Report form tahan rua (2) ida husi aplikante no ida husi mediku ne’ebe fo ezaminasaun.
10. Medical Report Form bele klik iha link  https://url.kr/7ytuer ,scroll tun klik “File” depois klik iha “Templates for admission Documents (letter of recommendation, medical check-up, Policy concept note), download tiha maka priense ho liman.
11. Fotokópia Sertidaun RDTL aplikante no Sertidaun RDTL inan-aman nian iha lian Inglês no autentika/notariadu orijinál husi Ministeriu Justisa.
12. Fotokópia Kartaun Eleitorál no Billete Identidade aplikante nian.
13. Fotokópia Buletim Rejistu Kriminál (Non-Criminal Record Report) iha lian Ingléz no autentika/notariadu orijinál husi Ministériu Justisa.

PROSESU KANDIDATURA

• Bolsu estudu ne’e sei halo Registrasaun online deit iha Link for Application ou http://isus.uos.ac.kr/isus/iudp/iudp_agree.do
• Atu hatene informasaun klaru bele vizita:
  • Introduction about ISUS
  • Brochure & Program Information (Admission, Curriculum, etc.).
• Website MESCC https://mescc.gov.tl ka pájina facebook ofisiál MESCC nian ka bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian.
• Presiza halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.
• Bainhira kandidatu halo ona aplikasaun online, mak kandidatu sei submete dokumentus ne’ebé presija, aneksa ho dokumentu hotu tau iha envelope A4( hakerek naran kompletu, e-mail, nú telefone, Instituisaun iha envelope oin) dokumentu hotu tenki tau ordenadu tuir númeru kritéria (1-13) no mai submete iha UPC-MESCC nia koñesementu
• Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei la konsidera (ka invalidu).
• Ba aplikante sira ne’ebé passa ona faze entervista husi parte Universidade Seoul, sei manda dokumentus fiziku(Hard Copy) liu husi korreiu ba iha Universidade Seoul.

PROSESU ADMISAUN / KALENDARIU BA KANDIDATURA

• 03 de fevereiru de 2025: Publikasaun vaga bolsa estudu iha pagina official MESCC
• 04 to’o 11 de Marsu 2025: Submisaun ba dokumentus fiziku mai iha UPC-MESCC
• Aplikasaun sei taka iha dia 13 de Marsu de 2025.
• Revizaun ba Documentu sira / Selesaun Documentu sira sei halao direitamente husi parte Universidade Seoul ( Univesity of Seoul ) sei hahu dia 17 – 21 de Marsu de 2025
• Ba Kandidatu sira ne’ebé liu ona selesaun dokumentus faze primeiru/registu online  sei hetan kontaktu direitamente husi  parte Universidade Seoul atu halo ENTREVISTA liu husi via telefone ( SKYPE ) ba faze segundu nian iha dia 2 – 11 de Abril de 2025.
• Desizaun Admisaun Finál iha dia 17 de Abril de 2025 ( Bele iha Mudansa )
• Ba kandidatu selesionadu sei halao viagem ba iha Nasaun Korea do Súl iha dia 06 de Agostu de 2025.

Mak ne’e deit, Ba ita bo’ot sira nia atensaun ami hato’o, obrigadu wain

#tekniku_URP-MESCC